U internecie źjaviłasia infarmacyja, što sioleta maje vyjści novy raman Viktara Marcinoviča pad nazvaj «Mova». Heta budzie ŭžo druhi (paśla knihi «Ściudziony vyraj») jaho tvor, napisany pa-biełarusku.
«Pakul ja mahu raskazać vielmi niašmat, — kaža piśmieńnik. — Raman nazyvajecca «Mova», jahonaje dziejańnie adbyvajecca ŭ budučyni, u Minsku, u toj čas, kali nijakaj Biełarusi ŭžo niama. Heta nie śmiešny raman. Kali maja papiaredniaja kniha «Sfahnum» była niečym nakštałt ramana-aniekdota, to «Mova» budzie całkam surjoznaj».
Novuju knihu, jak i papiaredniuju Viktar Marcinovič płanuje vydać na dźviuch movach, ale kali ŭ vypadku «Sfahnuma» aryhinał byŭ rasiejskamoŭny, to ciapier pierakładčyk pracuje nad rasiejskaj viersijaj «Movy».
«Ja bačyŭ pierakład, jon atrymlivajecca vydatna, chacia tut pierakładać nadzvyčaj składanna, — raskazvaje Marcinovič. — Reč u tym, što biełaruskaja mova — heta asnoŭny piersanaž ramana, tam chapaje i inšych cikavych asobaŭ, adnak mova najvažniejšaja».
Vychad ramana papiarednie płanujecca na vierasień, vokładka z vyjavaj karciny Jazepa Drazdoviča, jakaja źjaviłasia ŭ internecie, heta pakul fantazija dyzajniera sajta 34mag.net, adnak, pa słovach spadara Viktara, vielmi ŭdałaja.
«Cikava, što stvaralnik hetaj vokładki ramana nie bačyŭ, adnak vielmi trapna ŭchapiŭ aŭtarskuju zadumu. — kaža Marcinovič. — Heta kniha miks žanravaj i intelektualnaj prozy. Atrymaŭsia taki sabie bajavik na temu movy. U biełaruskaj litaratury tak skłałasia, što my, piśmieńniki, imkniemsia zapoŭnić volnyja prastory litaratury. Niama ŭ nas haradskoha ramana — pišam haradski raman. Niama śmiešnaj kryminalnaj knihi — ja siadaju i pišu jaje. Adnak «Mova» heta toje, čaho ja nie bačyŭ nidzie. Ja vielmi šmat čytaju, i nidzie nie sustrakaŭ takoha, kab kankretnaja mova była hałoŭnym piersanažam knihi. Ja vielmi spadziajusia pry dapamozie hetaha ramana pryvabić da biełaruskaha śvietu navat tych, kamu jon abyjakavy, ci tych, chto pra jaho nikoli nie čuŭ».
-
Ad vieršaŭ dla samych maleńkich pierad snom da «biełaruskaj manhi» dla padletkaŭ. Što čytać dzieciam na rodnaj movie
-
«Viaduć nieludzimy ład žyćcia, razmaŭlajuć pa-biełarusku». Uładzimir Arłoŭ raskazaŭ pra novuju knihu i zhadaŭ, jak susiedzi pisali na jaho danosy
-
Vyjšła kniha artykułaŭ i ŭspaminaŭ pra Alesia Kasko
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary