Internet-pošukavik «Jandeks» navučyŭsia šukać pieśni pa frazach, jakija imitujuć ich tekst abo muzyčny matyŭ. Paviedamleńnie ab hetym źjaviłasia ŭ aficyjnym błohu «Jandeksa».
Ciapier karystalniki servisu mohuć uvodzić u pošukavy radok frahmienty «napievaŭ» toj ci inšaj pieśni, a pošukavik na padstavie papiarednich karystalnickich zapytaŭ budzie «adhadvać», jakuju mienavita kampazicyju šukaje čałaviek.
Tak, naprykład, pa zapycie «eła eła e e e słuchać» u pošukavaj vydačy «Jandeksa» vyvodzicca pieśnia Ryjany «Umbrella», pa zapycie «pu pu pidu słuchać» — pieśnia ŭ «I Wanna Be Loved By You» u vykanańni Merylin Manro. Nabraŭšy ŭ pošuku «ju-chu pieśnia» možna znajści kampazicyju «Song 2» hurtu Blur.
Akramia sajtaŭ z tekstami piesień u pošukavaj vydačy pa padobnych zapytach taksama adlustroŭvajucca spasyłki na sami treki, prasłuchać jakija možna z dapamohaj servisu «Jandeks.Muzyka». Muzyčny servis pošukavika byŭ zapuščany ŭ 2010 hodzie i ciapier supracoŭničaje z bolš čym 50 pravaŭładalnikami.
Ciapier čytajuć
Što viadoma pra byłoha palitviaźnia Sakałoŭskaha, jaki pamior u Bierlinie ŭ 47 hadoŭ1
Kamientary