Majkł Dan, 47- hadovy kamiersant na rynku prahramnaha zabieśpiačeńnia, byŭ pryznany vinavatym u zamachu na zabojstva, paviedamlaje AP.
Vosieńniu 2012 hoda Dan adkryŭ stralbu pa nabitym padletkami aŭtamabilu ŭ chodzie kanfliktu z-za hučnaj «bandyckaj» muzyki, jakuju padletki ŭklučyli kala supiermarkieta ŭ horadzie Džeksanvił, štat Fłoryda.
U vyniku adzin z padletkaŭ, 17- hadovy afraamierykaniec Džordan Devis, zahinuŭ.
Padsudny, čałaviek sa śvietłym koleram skury, zajaŭlaŭ, što streliŭ kala 10 razoŭ u metach samaabarony, pakolki nibyta zaŭvažyŭ nakiravany na jaho pistalet.
Sud prysiažnych abmiarkoŭvaŭ prysud na praciahu 30 hadzin, jakija praciahvalisia čatyry dni, ale tak i nie pryjšoŭ da kančatkovaha rašeńnia z nahody hałoŭnaha abvinavačvańnia — u zabojstvie pieršaj stupieni ciažkaści. Adnak Dan byŭ pryznany vinavatym u stralbie pa mašynie ź ludźmi i ŭ zamachu na zabojstva.
Maksimalny termin za kožnaje złačynstva z tych, u jakich abvinavačvajecca Dan, składaje ad 15 da 30 hadoŭ pazbaŭleńnia voli. Takim čynam, usiaho — 60 hadoŭ źniavoleńnia, piša Bi-Bi-Si.
Baćki zahinułaha Devisa pakidajučy zału pasiadžeńnia zajavili, što ŭžo zadavolenyja prysudam. Pa ich słovach, 16 lutaha, ich synu spoŭniłasia b 19 hadoŭ.
Kančatkovy termin pakarańnia padsudnamu budzie abvieščany ŭ sakaviku.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary