Apieracyju pa razhonie Majdanu dapamahaŭ spłanavać były pieršy namieśnik kiraŭnika HRU Rasii DAKUMIENTY
Snajpierami na Instytuckaj u Kijevie byli bajcy padraździaleńnia śpiecapieracyj UV i śpiecpadraździaleńnia «Amieha», a dapamohu ŭ padrychtoŭcy śpiecapieracyi akazvaŭ były pieršy namieśnik HRU Rasijskaj Fiederacyi. Pra heta zajaviŭ deputat Hienadź Maskal, jaki pryvioŭ dakumienty, atrymanyja z dapamohaj rabotnikaŭ SBU i MUS.
«Materyjały ab złačynnaj dziejnaści pravaachoŭnikaŭ dapamahali źbirać na svoj strach i ryzyku patryjatyčna nastrojenyja rabotniki MUS i SBU. U mianie na rukach apynulisia płany śpiecapieracyj pa siłavym razhonie akcyj pratestu «Bumieranh» i «Chvala», — napisaŭ jon.
«Ja vyrašyŭ apublikavać častku płanaŭ «Chvala» i «Bumieranh» — dakumienty, jakija dakazvajuć, što snajpierami na Instytuckaj byli bajcy padraździaleńnia śpiecapieracyj unutranych vojskaŭ, jakim kiruje pałkoŭnik S.Asavaluk, i bajcy padraździaleńnia ŭnutranych vojskaŭ «Amieha», — paviedamiŭ Maskal.
«Ukazańnie na prymianieńnie zbroi były ministr MUS Zacharčanka daŭ śpiecpadraździaleńniu HUBAZ MUS «Sokał», — padkreśliŭ jon.
Akramia taho, jon padaŭ proźviščy i numary telefonaŭ kiraŭnikoŭ padraździaleńniaŭ, jakija prymali ŭdzieł u siłavym razhonie akcyj pratestu. «Na padstavie hetych źviestak Hienprakuratura adkryje kryminalnyja vytvorčaści», — padkreśliŭ jon.
«Paśla hetaha ja dobraachvotna pieradam śledčaj hrupie HPU astatnija materyjały, jakija pakazvajuć na datyčnaść da kryvavych padziej ministra MUS Zacharčanki ( jaki asabista zajaviŭ 20 lutaha, što addaŭ zahad na vykarystańnie bajavoj zbroi), jaho namieśnika Ratušniaka, načalnika departamienta hramadskaj biaśpieki MUS krykuna, kamandujučaha ŭnutranych vojskaŭ MUS S.Šulaka, v.a. načalnika HUMUS u Kijevie V.Mazana, staršyni SBU A.Jakimienki, jaho pieršaha namieśnika V.Tockaha, načalnika USBU ŭ Kijevie i Kijeŭskaj vobłaści Ščahaleva, kamandziraŭ padraździaleńnia SBU «Alfa», — dadaŭ jon.
«Dapamohu ŭ padrychtoŭcy śpiecapieracyj MUS i SBU akazvaŭ były pieršy namieśnik HRU Rasijskaj Fiederacyi, jaki pražyvaŭ u haścinicy «Kijeŭ» (jaho pražyvańnie i charčavańnie apłačvała SBU). Ukrainskaja ŭłada zadziejničała śpiecyjalista z Rasii, pakolki naš kiraŭnik SBU apynuŭsia lotčykam, a ministr MUS — ABCHSSnikam», - dadaŭ jon.
«Usie dadzienyja rasijanina buduć pradastaŭleny Hienprakuratury, a stupień jaho viny chaj vyznačaje śledstva. Akramia taho, ja hatovy pieradać Hienprakuratury materyjały, jakija pakazvajuć, što pry siłavym razhonie akcyj pratestu MUS i SBU dziejničali jak arhanizavanaja złačynnaja hrupoŭka», — paviedamiŭ Maskal.
«Płan Bumieranh i Chvala dakładvalisia vyšejšamu palityčnamu kiraŭnictvu krainy i uvodziŭsia ŭ dziejańnie ź jaho ŭchvaleńnia», - adznačyŭ jon i vykazaŭ naściarožanaść i abureńnie, što na siońniašni dzień, nikomu z čynoŭnikaŭ nie ŭručana apaviaščeńnie ab padazreńni, nichto ź ich nie zatrymany i nie aryštavany.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary