U Minsku na try hadziny zamknuli mietro, bo pastupiła infarmacyja pra padazronyja pradmiety
Z 14.39 da 17.20 byli zakryty abiedźvie linii minskaha mietro. Na stancyi nie puskali. Heta było źviazana z pravierkaj infarmacyi pra znojdzienyja padazronyja pradmiety.
«Minsktrans» zapuściŭ dadatkovyja aŭtobusy, adnak ich mahčymaściaŭ niedastatkova. I heta jašče nie pačałasia «hadzina pik».
Jak paviedamlajuć čytačy (Andrej Kim), u mietro šmat supracoŭnikaŭ milicyi.
Piśmieńnica Valaryna Kustava piša z «Kamiennaj Horki»: terminova kinulisia achoŭniki i zabłakavali dźviery. Pierakrytyja ŭsie vychady dy uvachody u mietro. Staju pierad uvachodam. Nikoha nie vypuskajuć i nie upuskajuć.
Paviedamlajecca, što ź mietro ŭsich vyhnali, navat chto jechaŭ u ciahniku. U vyniku na praśpiekcie šmat pasažyraŭ.
Tvitar HUUS Minharvykankama paviedamlaje, što pravodziacca prafiłaktyčnyja mierapryjemstvy, źviazanyja z vyjaŭleńniem pastarońnich pradmietaŭ na niekalkich stancyjach». Milicyja raić skarystacca inšymi vidami transpartu.
Načalnik mietrapalitena Raścisłaŭ Jurenia paviedamiŭ BiełaPAN, što «mietro zakryty pavodle zahadu milicyi».
HUUS Minharvykankama dadaje, što viadziecca pošuk nieviadomych pradmietaŭ, pra jakija paviedamili minčuki (ci pravierka infarmacyi).
Pres-sakratar minskaj milicyi Alaksandr Łastoŭski paviedamiŭ, što nieŭzabavie mietro adnović pracu, ale ŭ milicyi rajać skarystacca pakul naziemnym transpartam.
***
Karespandent «NN» pieradaje, što zakrytyja padziemnyja pierachody na płoščy Pieramohi, a voś na płoščy Jakuba Kołasa — pracujuć.
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary