Tajamnica źnikłaha samalota: małajzijski «Boinh» šukajuć 25 krain
Z takoj tajamnicaj mižnarodnaja avijacyja nie sutykałasia ŭžo daŭno. Samalot «Boinh-777» kampanii Malaysia Airlines źnik z radaraŭ avijadyśpietčarskich słužb 10 dzion tamu, i dahetul pra jaho los ničoha nie viadoma.
U noč z 7 na 8 sakavika łajnier ździajśniaŭ rejs MH370 pa maršrucie Kuała-Łumpur — Piekin. Na borcie znachodzilisia 227 pasažyraŭ i 12 členaŭ ekipaža. Suviaź z samalotam była zhublenaja prykładna praź dźvie hadziny paśla ŭźlotu, kali jon znachodziŭsia nad Paŭdniova-Kitajskim moram.
Asnoŭnych viersij na dadzieny momant dźvie: katastrofa i ŭhon. Adnak reštak znojdziena pakul nie było, a infarmacyja pra vyjaŭleńnie detalaŭ samalota i plam paliva niedaloka ad bierahoŭ Vjetnama nie paćvierdziłasia. Tamu ŭdzielniki pošukavaj apieracyi schilajucca da druhoj viersii.
Niekalki dzion tamu premjer-ministr Małajzii Nadžyb Razak raskryŭ novyja dadzienyja avijazdareńnia. Pavodle jaho słovaŭ,
nieviadomyja asoby na borcie łajniera adklučyli sistemy suviazi. Paśla hetaha samalot źmianiŭ kurs i nakiravaŭsia ŭ bok Indyi. Spadarožniki nazirańnia atrymlivali sihnały z borta jašče na praciahu amal siami hadzin.
Razak dadaŭ, što ciapier pošuki miesca padzieńnia «Boinha» viaducca pa dvuch kalidorach — ad Indanezii da paŭdniovaj častki Indyjskaha akijana i ad miežaŭ Turkmienistana i Kazachstana da paŭnočnaj častki Tajłanda. Pošuki ŭ Paŭdniova-Kitajskim mory spynienyja.
Kiraŭnik małajzijskaha ŭrada taksama dadaŭ, što rasśledavańnie ŭvajšło «ŭ novuju stadyju» — ekśpierty vyśviatlajuć, chto prymusiŭ «Boinh» źmianić kirunak palotu. Pa dadzienych Interpoła, dva pasažyry — hramadzianie Irana — sieli na rejs pa skradzienych pašpartach, tamu viersija terakta taksama nie vyklučajecca.
Svajaki pasažyraŭ praciahvajuć spadziavacca na cud: mahčyma, łajnier usio ž niedzie pryziamliŭsia. Ale šancaŭ na heta źnikoma mała. Jak kažuć ekśpierty, kali b adbyłosia pryziamleńnie, pra heta ŭžo stała b viadoma. Miž tym, u pošuki samalota ŭklučylisia ŭžo 25 krain.
-
Zialenski: Tańniej nie dać Rasii vyrablać rakiety, čym ratavać enierhasistemu Ukrainy
-
«DNŽ — heta pryvilej, a nie prava». Novaja kiraŭnica Departamienta mihracyi Litvy adkazała na pytańni, aktualnyja i dla biełarusaŭ
-
Zialenski ŭ Davosie: Kali b Jeŭropa dapamahła biełaruskamu narodu ŭ 2020 hodzie, to ŭ Biełarusi siońnia nie było b «Arešnika»
Kamientary