U vyniku sutyknieńniaŭ i pierastrełki pamiž «narodnymi ruchami Nikałajeva», samaabaronaj miascovaha Majdanu i prarasijskimi sieparatystami, jakija sprabavali zachapić budynak Mikałajeŭskaj abłasnoj dziaržadministracyi, surjozna paciarpieli dziesiać čałaviek.
Pavodle infarmacyi, u adnaho mužčyny surjozny pierałom nahi i traŭma hałavy, dvoje mužčyn atrymali ranieńni hałavy: adzin aktyvist «Pravaha siektara» atrymaŭ udary milicejskaj dubinkaj, inšy, aktyvist Mikałajeŭskaj jačejki partyi « Demakratyčny aljans» Dzianis Pliško taksama atrymaŭ u chodzie sutyknieńniaŭ ranieńnie hałavy.
Akramia taho, piać čałaviek atrymali ranieńni ad strełaŭ z traŭmatyčnaha pistaleta — u asnoŭnym ad kul paciarpieli pradstaŭniki samaabarony Majdanu, u jakich stralali prarasijskija sieparatysty — ranieńni ŭ šyju, śpinu, nohi i inšyja častki cieła.
Pry hetym dosyć šmat ludziej atrymali niaznačnyja ranieńni ad trapleńnia ŭ ich kamianioŭ i inšaha.
Pozna viečaram 7 krasavika kala 300 pradstaŭnikoŭ prarasijskich sieparatystaŭ sprabavali šturmavać budynak Abładministracyi, ale ich adahnaŭ śpiecnaz.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary