Hrupa sieparatystaŭ ŭvarvałasia ŭ Teatr opiery i baleta i zapatrabavała sustrečy z meram Charkava.
Pra heta napisaŭ na svajoj staroncy ŭ sacyjalnaj sietcy Fejsbuk miascovy žurnalist Viačasłaŭ Maŭryčaŭ.
Pavodle jaho słovaŭ, stała vidavočna, što ŭ pravakacyjach biaruć udzieł žychary Rasii i Prydniastroŭja. Jany nie viedali, dzie ŭ horadzie znachodzicca budynak meryi, pamyłkova zachapili teatr i stali patrabavać, kab da ich vyjšaŭ mer horada. I tolki kali jany ŭbačyli kancertnuju zału, rasčaravana razyšlisia.
Nahadajem, što ŭranku śpiecnaz ačyściŭ budynak Charkaŭskaj abłasnoj administracyi ad sieparatystaŭ, što jaho zaniali.
Vystupy ŭ troch uschodnich rehijonach Ukrainy — Danieckaj, Łuhanskaj i Charkaŭskaj abłaściach — sinchronna pačalisia ŭ niadzielu. U ich udzielničajuć «turysty z Rasiei», miascovyja kryminalnyja elemienty i siły z kłana Viktara Janukoviča.
Kamientary