Hetyja adkazy tradycyjna publikavalisia ŭ papiarovaj haziecie «Naša Niva». Nam padumałasia, što kamuści zručna było b atrymlivać ich i praź internet-sajt. Heta nie pieryjadyčnyja materyjały. Jany buduć źjaŭlacca čas ad času.
Pišycie nam na mejł [email protected]. Dasyłajcie taksama foty i videa na mejł abo praz formu zvarotnaj suviazi na sajcie.
Viktaru S. ź Pinska. Vaša žonka jechała na elektraskutary ŭ stanie ałkaholnaha apjanieńnia, tamu jon byŭ skanfiskavany na zakonnych padstavach. Ciažkaści, jakija vyklikała hetaja kanfiskacyja, zrazumiełyja. Ale zakon nielha parušać nikomu, u tym liku i svajakam invalidaŭ pieršaj hrupy. U pytańni viartańnia skutara źviartajciesia ŭ kampietentnyja orhany, a pa hrošy na apłatu štrafa za jaho źviarniciesia pa dapamohu ŭ dziaržaŭnyja struktury, najpierš — u rajvykankam.
Hańnie M. z Kojdanava. Nakont ušanavańnia pamiaci Adolfa Januškieviča — moža być, varta pakul rabić toje, što nie patrabuje rašeńniaŭ dziaržaŭnych orhanaŭ abo toje, na što dziaržorhanam nie treba tracicca? Naprykład, pastavić pamiatny kamień i kryž z šyldaj. Hrošy na takoje možna naźbirać navat svajoj siamjoj. Inakš možna śpieražyvacca, što ničoha nie robicca. Kali nie dabicca čahości ad čynoŭnikaŭ, varta rabić samim toje, što pa siłach zrabić svajoj siamjoj.
Uładzimiru S. ź Viciebska. U vas vieršy ŭ cikavym žanry, ale my litaraturu publikujem tolki pa-biełarusku.
Tadevušu M. z Hrodna. Pa-polsku materyjałaŭ nie publikujem. Vaša mierkavańnie pieradamo Anatolu Sidareviču.
Dadatki dla Androida i Ajfona
Ja čytaju «Našu Nivu» z 2008 hoda i zrazumieŭ, što vaša vydańnie stała samym abjektyŭnym i adekvatnym z usich ŚMI. Było b zdorava, kali b vy zapuścili dadatak na Androidzie i Ajfonie, z płatnaj padpiskaj na vydańni.
Vializny dziakuj vam za vašu pracu i vydatnaje aśviatleńnie padziej.
Hleb Snoŭ, gmail.com
My razdumvali nad idejaj zapuścić dadatki pad Android i Ajfon, ale pakul admovilisia, bo ich raspracoŭka kaštuje vielmi doraha i pakul nie akupicca. My imkniomsia kožny najaŭny ŭ nas hroš raźmiarkoŭvać z maksimalnaj efiektyŭnaściu.
Andreju Z. ź Minska. Vyrašać siamiejnyja majomasnyja sprečki treba ŭ sudzie, a nie praz Redakcyju «Našaj Nivy» i tym bolš nie ŭ listach prezidentu Rasii. Heta vam ničoha nie daść.
Siarhieju P. ź SIZA №1 Minska. Vašy litaraturnyja tvory publikavać nie budziem. U ich zamała niepaŭtorna Vašaha — taho, čaho nichto inšy nie pieražyvaŭ. Vy niby čužymi vusnami havorycie — televizijnymi štampami. Lepš pačnicie pisać z uspaminaŭ pra ŭłasnaje dziacinstva, pra dzieda, jakoha Vy zhadvajecie, pra toje, što Vas najbolš uražvała. Starajciesia pisać toj movaj, «jakoj havaryŭ dzied».
Maładoj aŭtarcy. Spačatku — adukacyju atrymajcie, nie kidajcie ŭniviersiteta. Kali pisać, to starajciesia najpierš apisać čałavieka, jahonuju asaśbistuju historyju. I tolki z hieroja pierachodźcie na kulturnuju padzieju. Bo što tam adkryłasia vystava, to mała cikavaha. Cikavy los, jaki staić za vystavaj.
Usim nahadvajem. Redakcyja nie viartaje dasłanych rukapisaŭ i maje prava nie adkazvać na dasłanyja materyjały. Pošty šmat, i my prosta nie majem mahčymaści adkazvać usim. Kali Vaš artykuł u druku nie źjaviŭsia, značyć, jon nie pasuje dla haziety.
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki26
Kamientary