MZS Rasii ŭ niadzielu, 13 krasavika, zapatrabavała ad staŭlenikaŭ «Majdanu» nieadkładna spynić vajnu z ułasnym narodam, a taksama zaklikaŭ krainy Zachadu «utajmavać padapiečnych, što vyjšli z-pad kantrolu i «nieadkładna pačać sapraŭdny nacyjanalny dyjałoh» dla chutčejšaha praviadzieńnia kanstytucyjnaj reformy.
U rasijskim viedamstvie padkreślili, što raźvićcio stanovišča na paŭdniovym uschodzie Ukrainy nabyvaje vielmi niebiaśpiečny charaktar na fonie siłavoha padaŭleńnia narodnych pratestaŭ samaabvieščanymi ŭ vyniku dziaržaŭnaha pieravarotu kijeŭskimi ŭładami. U ministerstvie taksama rašuča asudzili sproby ŭžyvańnia hrubaj siły suprać mitynhoŭcaŭ i aktyvistaŭ z udziełam bajevikoŭ «Pravaha siektara» i inšych niezakonnych uzbrojenych farmiravańniaŭ.
«Asablivaje abureńnie vyklikaje złačynny zahad Turčynava vykarystoŭvać vojska dla padaŭleńnia pratestaŭ. U vyniku takich dziejańniaŭ na Paŭdniovym uschodzie ŭžo praliłasia kroŭ. Zachodnija sponsary majdanščykaŭ, a taksama ZŠA, jakija stajać za imi, abaviazany ŭtajmavać padapiečnych, što vyjšli z-pad kantrolu, prymusić ich admiežavacca ad nieanacystaŭ i inšych ekstremistaŭ, spynić prymianieńnie ŭzbrojenych sił suprać ukrainskaha naroda i nieadkładna pačać sapraŭdny nacyjanalny dyjałoh z raŭnapraŭnym udziełam usich rehijonaŭ u intaresach chutčejšaha praviadzieńnia radykalnaj kanstytucyjnaj reformy. Mienavita ad Zachadu zaraz zaležyć mahčymaść paźbiehnuć hramadzianskaj vajny va Ukrainie», — adznačyli ŭ MZS.
U suviazi z hetym Rasija pryniała rašeńnie ab vyniasieńni kryzisnaj situacyi na paŭdniovym uschodzie Ukrainy na terminovy razhlad Rady Biaśpieki AAN i ABSIE, dadali ŭ ministerstvie.
U Tajłandzie źnikła anlifanščyca ź Pinska. Jaje mahli pradać u Mjanmu5
Kamientary