Lidary krain vialikaj siamiorki chutka damovilisia nakłaści dadatkovyja sankcyi na Rasiju. Pra heta havorycca ŭ zajavie, apublikavanaj na sajcie Biełaha Doma.
«Uličvajučy nieadkładnuju važnaść zabieśpiačeńnia paśpiachovaha i mirnaha demakratyčnaha volevyjaŭleńnia na prezidenckich vybarach u Ukrainie, my abaviazalisia dziejničać nieadkładna, kab uzmacnić metavyja sankcyi i miery, jakija prymusiać Rasieju zapłacić bolš vysokuju canu za svaje dziejańni», havorycca ŭ zajavie.
G7 padtrymała Kijeŭ, adznačyŭšy, što ŭkrainskaja ŭłada prajaviła vytrymku padčas apieracyi va ŭschodnich abłaściach krainy.
«Naadvarot, Rasija nie raspačała kankretnych dziejańniaŭ u adpaviednaści z Ženieŭskimi pahadnieńniami», — adznačana ŭ zajavie.
Rasija praciahvaje nahniatać napružańnie va Ukrainie zajavami i vajennymi vučeńniami na miažy z Ukrainaj, jakija vyklikajuć usio bolšy niespakoj, miarkujuć lidary G7.
Adzin z pradstaŭnikoŭ Biełaha doma zajaviŭ, što novyja finansavyja abmiežavańni mohuć ustupić u siłu ŭžo ŭ paniadziełak.
Ciapier čytajuć
Zahinuŭ biełaruski dobraachvotnik Alaksiej Łazaraŭ12
Kamientary