Asobnyja ŚMI Rasii raspaŭsiudžvajuć skažonuju infarmacyju pra budaŭnictva punktaŭ ŭtrymańnia nielehalnych mihrantaŭ va Ukrainie, jakuju padchapiła MZS RF u svajoj čarhovaj prapahandysckaj zajavie ad 28 krasavika h.h.
Pra heta havorycca ŭ sumiesnaj zajavie Ministerstva zamiežnych spraŭ i Dziaržaŭnaj mihracyjnaj słužby Ukrainy.
«Ździŭlaje, nakolki chvaravitym i skažonym moža być ŭjaŭleńnie aŭtaraŭ takich paviedamleńniaŭ, kab ubačyć va Ukrainie «kancentracyjnyja łahiery dla žycharoŭ paŭdniova-ŭschodnich abłaściej», adznačajecca ŭ zajavie.
Ministerstva zamiežnych spraŭ i Dziaržaŭnaja mihracyjnaja słužba ličać metazhodnym aficyjna rastłumačyć, što ŭ vieraśni 2009 hoda va Ukrainie raspačata realizacyja sumiesnaha ź Jeŭrapiejskim Sajuzam prajekta «RIEADMIT 1», jakim praduhledžana budaŭnictva dvuch punktaŭ časovaha znachodžańnia nielehalnych mihrantaŭ — u Danieckaj i Mikałajeŭskaj abłaściach. Abodva punkta buduć raźličanyja na adnačasovaje ŭtrymańnie 100 nielehalnych mihrantaŭ kožny», havorycca ŭ zajavie.
Na siońnia ŭ śfiery kiravańnia Dziaržaŭnaj mihracyjnaj słužby Ukrainy funkcyjanujuć dva punkty, u jakich utrymlivajucca nielehalnyja mihranty — u Vałynskaj i Čarnihaŭskaj abłaściach.
Hetyja punkty raźličanyja na adnačasovaje ŭtrymańnie adpaviedna 165 i 208 čałaviek i terytaryjalna raźmieščany pablizu zachodniaha i paŭnočnaha učastkaŭ dziaržaŭnaj miažy Ukrainy.
Budaŭnictva anałahičnych punktaŭ u Danieckaj i Mikałajeŭskaj abłaściach dazvolić zekanomić vydatki na transparciroŭku nielehalnych mihrantaŭ, zatrymanych va ŭschodnich i paŭdniovych abłaściach Ukrainy da miescaŭ utrymańnia.
«Varta adznačyć, što ŭ punkt časovaha znachodžańnia nielehalnych mihrantaŭ mohuć być źmieščanyja tolki zamiežniki abo asoby biez hramadzianstva, jakija parušyli mihracyjnaje zakanadaŭstva i ŭ dačynieńni da jakich pryniataje rašeńnie ab prymusovym vydvareńni za miežy Ukrainy», padkreślivajecca ŭ zajavie.
Ciapier čytajuć
Biełastok na vušach praź źniknieńnie aktyvista Vajciachoŭskaha, susieda pamierłaha špijona Usiera. A toj ciškom viarnuŭsia ŭ Biełaruś14
Kamientary