Nacyjanalny akademičny kancertny arkiestr Biełarusi da Dnia Pieramohi padrychtavaŭ prahramu na biełaruskaj movie. Pra heta paviedamiŭ žurnalistam mastacki kiraŭnik kalektyvu Michaił Finbierh.
Arkiestr daść vialiki kancert u zonie haścinnaści kala staličnaha Pałaca sportu 10 maja.
«My rychtavali prahramu da 70-hodździa vyzvaleńnia Biełarusi ad niamiecka-fašysckich zachopnikaŭ paŭtara hoda. Ad pačatku da kanca jana budzie na biełaruskaj movie. Heta darahoha varta. Śpiecyjalnych piesień nie było, tamu my zajmalisia pošukam materyjału, što dastatkova ciažka. Ciapier my dajem tur pa Minskaj vobłaści z prahramaj «Za našu Pieramohu!» — jana stanie asnovaj kancertu 10 maja», — raspavioŭ muzyka.
Prahrama «Za našu Pieramohu!» składzienaja nie tolki z samych viadomych piesień vajennych hadoŭ. U jaje ŭklučanyja taksama zabytyja kampazicyi, jakija daŭno nie vykonvalisia, u sučasnaj apracoŭcy. Paśla tura pa Minskaj vobłaści i vystupu ŭ stalicy arkiestr daść jašče šerah kancertaŭ u roznych haradach respubliki.
Kamientary