Były rehijanał Caroŭ paraiŭ Pucinu «nie ŭmiešvacca ŭ spravy Uschodu» i vystaviŭ svaje ŭmovy Kijevu
Refierendum u Danieckaj i Łuhanskaj abłaściach moža być pieraniesieny z 11 maja, kali ŭkrainskija vajskoŭcy spyniać uzbrojenyja dziejańni.
Pra heta zajaviŭ Aleh Caroŭ u efiry radyjostancyi «Havoryć Maskva».
«My možam pieranieści refierendum, my možam heta zrabić litaralna za niekalki dzion, ale dla hetaha my chočam ubačyć sustrečnuju prapanovu ŭładaŭ. Umovaj pačatku pieramovaŭ pavinna być spynieńnie ŭzbrojenych dziejańniaŭ, ludzi pavinny pierastać hinuć. Kali hetaha nie budzie zroblena, my nie budziem ličyć, što ŭłada hatovaja damaŭlacca», — skazaŭ jon.
Pry hetym Caroŭ adznačyŭ, što pryniaćcie kančatkovaha rašeńnia nie tyčycca prezidenta RF Uładzimira Pucina.
«Pry ŭsioj pavazie i simpatyi da Uładzimira Pucina, ale rašeńnie ab refierendumie pryniali hramadzianie Łuhanskaj i Danieckaj vobłaści. Heta rašeńnie prymaje nie Uładzimir Pucin, heta ŭnutranaja sprava dančan i łuhančan, i my budziem abmiarkoŭvać i prymać rašeńni samastojna», — adznačyŭ Caroŭ.
Jak viadoma, u sieradu prezident Rasii Uładzimir Pucin zajaviŭ, što Maskva zaklikaje prychilnikaŭ fiederalizacyi na paŭdniovym uschodzie Ukrainy pieranieści zapłanavany na 11 maja refierendum ab samavyznačeńni rehijonaŭ.
Premjer-ministr Ukrainy Arsienij Jacaniuk skieptyčna acaniŭ zaklik Pucina, prapanavaŭšy kiraŭniku RF nie handlavać pavietram.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary