U Minsku, dzie zaraz prachodzić čempijanat śvietu pa chakiei, pamior adzin z łatvijskich zaŭziataraŭ, paviedamili ŭ Ministerstvie zamiežnych spraŭ Łatvii.
«Možam paćvierdzić toj fakt, što adzin čałaviek pamior. Pasolstva padtrymlivaje kantakt ź jaho blizkimi, zaraz ułahodžvajem farmalnaści, nieabchodnyja dla dastaŭki jaho cieła ŭ Łatviju», — skazała pradstaŭnica MZS Dyjana Ehlicie. Hety łatvijec byŭ zastrachavany.
MZS nie kamientuje pryčyny jaho śmierci, pieradaje ahienctva BNS.
Jak udakładniaje ahienctva LETA, u Minsku ŭ noč na 12 maja va ŭzroście 53 hadoŭ raptoŭna pamior staršynia Dumy Ryjebińskaha kraja [heta ŭ Łathalii - NN] Iłmars Miełuškałns.
Na vybarach u samakiravańnie ŭ minułym hodzie Miełuškanłs bałatavaŭsia pa śpisie sajuza Zialonych i sialan.
U Biełaruś na čempijanat śvietu adpravilisia tysiačy łatvijskich chakiejnych zaŭziataraŭ, kab panazirać za hulnioj zbornaj svajoj krainy i niepasredna akazać joj padtrymku.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary