Na CT zarehistravałasia na 12,3 tys. abituryjentaŭ mienš, čym letaś
Na centralizavanaje testavańnie ŭ Biełarusi zarehistravałasia 105 tys. 669 abituryjentaŭ (u 2013 hodzie — bolš čym 117 tys. abituryjentaŭ, a zdavali CT 113 tys.).
Ab hetym paviedamili BiełaPAN u pres-centry Ministerstva adukacyi.
Rehistracyja na ŭdzieł u centralizavanym testavańni zaviaršyłasia 1 červienia.
Samym masavym pradmietam CT sioleta stała ruskaja mova, jakuju płanujuć zdavać bolš čym 78 tys. abituryjentaŭ, matematyku — 65 tys., biełaruskuju movu — 26 tys. Na testavańnie pa fizicy zarehistravałasia krychu bolš čym 30 tys. abituryjentaŭ, anhlijskaj movie — 19 tys., bijałohii — 21 tys.
Historyju Biełarusi płanujuć zdavać 17 tys., chimiju — 13 tys., hramadaznaŭstva — 10 tys. Na niamieckuju movu padali zajaŭki krychu bolš čym 3 tys. abituryjentaŭ, na suśvietnuju historyju najnoŭšaha času — krychu bolš čym 1 tys., na hieahrafiju — bolš za 1,6 tys., na francuzskuju movu — 763, na ispanskuju movu — 196.
Ispyty pa biełaruskaj movie projduć 14 červienia; 15 červienia abituryjenty zdaduć ruskuju movu; 17 červienia — hramadaznaŭstva; 19 červienia — bijałohiju; 20 červienia — matematyku; 22 červienia — historyju Biełarusi; 23 červienia — chimiju; 24 červienia — fiziku; 25 červienia — suśvietnuju historyju najnoŭšaha času; 27 červienia — zamiežnyja movy; 28 červienia — hieahrafiju. Usie ispyty pačynajucca ŭ 11.00.
Kamientary