Ukrainskaja delehacyja lacić u Jeŭropu na pieramovy pa reviersie hazu
U aŭtorak uviečary ŭkrainskaja delehacyja adbudzie ŭ Jeŭropu na pieramovy pa pastaŭkach hazu ź Jeŭropy.
Pra heta zajaviŭ staršynia praŭleńnia NAK «Naftahaz Ukrainy» Andrej Kobaleŭ, pieradaje pres-słužba ŭrada.
«Ukrainie zaraz prapanujuć tanny haz, tańniej navat, čym $350, $320. Heta jeŭrapiejskija kampanii, jakija vałodajuć resursam hazu i hatovyja jaho pastaŭlać va Ukrainu. Ciapier, mabyć, pryjšoŭ čas heta rabić», — skazaŭ Kobaleŭ.
Pry hetym jon adznačyŭ, što heta lepš nazvać nie «reviers», a «pastaŭki hazu ź Jeŭropy». Jość niamała kampanij, jakija hatovyja heta rabić. Ciapier «Naftahaz» užo pracuje ź dźviuma kampanijami — niamieckaj RWE i francuzskaj «Haz de Frans». Jość «prapanovy i ad inšych kampanij».
«Kali niamieckaja kampanija moža kuplać haz pa $300, mahčyma jość sens, kab jana kuplała, zachoŭvała ŭ schoviščach Ukrainy. Navošta «Naftahazu» kuplać haz navat pa $385, kali inšyja jaho kuplajuć našmat tańniej?», - ckazaŭ Kobaleŭ.
Razam z tym kiraŭnik «Naftahaza» adznačyŭ nieabchodnaść pierahladu abhruntavanaści taryfu za tranzit hazu.
«Tam jość niekalki važnych kampanientaŭ, akramia samoha taryfu vielmi važnym kampanientam źjaŭlajecca pryncyp «biary abo płaci», hetak ža jak z kuplaj hazu», — adznačyŭ Kobaleŭ.
«Tamu, akramia źmieny samoha ŭzroŭniu taryfu, vielmi važna ŭkaranieńnie pravilnaj struktury taryfu, jakaja budzie dazvalać «Ukrtranshazu» atrymlivać ilvinuju dolu dachodu niezaležna ad taho, jaki abjom hazu idzie praz Ukrainu. Heta narmalny jeŭrapiejski pryncyp, pra heta my ŭžo havaryli z «Hazpromam» nieadnarazova, spadziajusia, na hety raz hetaje pytańnie taksama budzie ŭrehulavana», — dadaŭ jon.
Kamientary