Lider hurta «Pałac» Aleh Chamienka ŭziaŭsia za prajekt «Biełaruskija narodnyja kazki». Nakład pieršaj častki hetaha hrandyjoznaha prajektu byŭ raskupleny, a ŭvieś jon — na 10 dyskach — maje pabačyć śviet da Kaladaŭ.
Lider hurta «Pałac» i viadučy radyjoversii hit‑paradu «Tuzin Hitoŭ» Aleh Chamienka ŭziaŭsia za prajekt «Biełaruskija narodnyja kazki». Nakład pieršaj častki hetaha hrandyjoznaha prajektu byŭ raskupleny, a ŭvieś jon — na 10 dyskach — maje pabačyć śviet da Kaladaŭ. Aleh Chamienka padrabiaźniej raspavioŭ TH pra zadumu pieračytać hałoŭnyja biełaruskija kazki i pradstaviŭ «Złuju kazku», sabranuju z samych nieŭdałych momantaŭ zapisu.
Hety prajekt «Novaj muzyčnaj kampanii» raspačaŭsia viasnoju 2007 hodu. Hałoŭnaj metaj była sproba danieści ŭ blizkim da pieršapačatkovaha vyhladzie (nie redahavanyja piśmieńnikami) biełaruskija kazki z usich kutkoŭ Biełarusi. Užo davoli daŭno adznačałasia, što biełaruskija kazki cikaviej słuchać, čym čytać. Tamu nieabchodnaść hetaha prajektu była vidavočnaj. Uvieś prajekt byŭ padzieleny na try častki, jak zvyčajna dzielać kazki etnohrafy: «Kazki pra žyviołaŭ» (3 CD), «Čaradziejnyja kazki» (4 CD), «Sacyjalna‑bytavyja» (pra žyćcio, 3 CD). Pieršapačatkovaja nazva prajektu była «Biełaruskija narodnyja kazki čytaje Aleh Chamienka». Ale, hetaja nazva źmianiłasia z pačatkam pracy nad druhoj častkaj — «Čaradziejnyja kazki», kali była zaprošanaja da ŭdziełu viadomaja artystka razmoŭnaha žanru, kazačnica, kiraŭnička ansamblu «Kałychanka» Łarysa Ryžkova. Treciaja častka prajektu raspačałasia z udziełam znakamitaj televiadučaj i piśmieńnicy Tamary Lisickaj.
U vyniku pieršaja časka prajektu źjaviłasia ŭ prodažy letam 2007. I na siońnia, jak śviedčać pradstaŭniki NMK, atrymała druhoje vydańnie. Druhaja časka źjaviłasia ŭ prodažy tolki zaraz — u listapadzie. Uvieś prajekt planujecca vydać paśla Kaladaŭ. Adnak zaraz isnuje novaja prapanova, samyja «niepiśmienyja, čornyja kazki» (kradziež, zabojstva, papy‑pjanicy, hvałtavańni, «nia vielmi narmatyŭnaja» leksyka) abjadnać u płytu «Biełaruskija narodnyja kazki dla darosłych». Adnak kančatkovy materyjał pakul nie zapisany.
Samyja niaŭdałyja momanty zapisu adnoj z kazak abjadnalisia ŭ karotki trek «Złaja kazka», jaki atrymaŭsia davoli śmiešnym. Spampavać jaho možna na sajcie palac.org
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary