U Administracyju prezidenta Biełarusi pastupiŭ zvarot tak zvanaj «Łuhanskaj narodnaj respubliki» z prośbaj ab pryznańni niezaležnaści.
Fakt atrymańnia dakumienta paćvierdzili va ŭpraŭleńni pa pracy sa zvarotami hramadzian i jurydyčnych asob administracyi. Pavodle słoŭ supracoŭnika ŭpraŭleńnia, zvarot atrymany i pieradadzieny adrasatu.
Nahadajem, 11 červienia sieparatysty, jakija zajavili ab stvareńni «Łuhanskaj Narodnaj Respubliki» (ŁNR), raźmiaścili na svaim sajcie teksty zvarotaŭ da 15 krain i subjektaŭ z prośbaj pryznać niezaležnaści ŁNR. Zvarot za podpisam «staršyni Viarchoŭnaha Savieta Łuhanskaj Narodnaj Respubliki» Alaksieja Karakina adrasavany ŭ tym liku Alaksandru Łukašenku i staršyniam abiedźviuch pałat Nacyjanalnaha schodu Biełarusi Anatolu Rubinavu i Uładzimiru Andrejčanku. 19 červienia kiraŭnik pres-centra ŁNR Uładzimir Inaharodski paviedamiŭ, što zvarot na imia Alaksandra Łukašenki adpraŭleny kurjerskaj słužbaj FedEx.
Na pytańnie, ci viedajuć pradstaŭniki ŁNR ab tym, što Łukašenka zajaŭlaŭ pra niezakonnaść praviedzienych u Łuhanskaj i Danieckaj abłaściach refierendumach ab niezaležnaści, Inaharodski adkazaŭ: «My ličym, što narod Biełarusi — bracki narod. Dumajem, što prezident Biełarusi pavinien źviarnuć na heta ŭvahu. Moža być, jon pamianiaje svajo mierkavańnie, bo ŭ nas idzie faktyčna hienacyd suprać našaha naroda, a my — słavianie. Nam niama da kaho źviartacca, akramia svaich bratoŭ. My ni na kaho nie napadali, staim na svajoj ziamli. Ja liču, što praŭda na našym baku i jon (Łukašenka) nas padtrymaje».
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»26
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary