Siońnia Fiederalny kancler Hiermanii Anhieła Mierkiel, prezident Francyi Fransua Ałand, prezident Ukrainy Piotr Parašenka i prezident Rasii Uładzimir Pucin u čatyrochbakovaj telefonnaj razmovie abmierkavali realizacyju mirnaha płana na Danbasie.
Jak paviedamlaje pres-słužba prezidenta Ukrainy, padčas razmovy Parašenka prainfarmavaŭ surazmoŭcaŭ pra toje, što Ukraina ŭ poŭnym abjomie vykonvaje ŭziatyja na siabie abaviazacielstvy pa realizacyi mirnaha płana ŭ adpaviednasci z rašeńniem Jeŭrapiejskaha Savieta i prytrymlivajecca ŭ adnabakovym paradku režymu spynieńnia ahniu, jaki byŭ abvieščany da 22:00 hadzin 30 červienia. Taksama prezident Ukrainy adznačyŭ, što na praciahu apošnich sutak byli zafiksavanyja čarhovyja fakty parušeńnia režymu spynieńnia ahniu z boku bajevikoŭ.
Prezident Ukrainy zaklikaŭ vykonvać umovy mirnaha płana, spynić napady na ŭkrainskija vajennyja padraździaleńni i błakpasty, vyzvalić usich biez vyklučeńnia zakładnikaŭ.
Ukraina praciahvaje nastojvać na viartańni pad kantrol Dziaržaŭnaj pamiežnaj słužby ŭsich pamiežnych punktaŭ propusku.
Prezident Ukrainy taksama zaklikaŭ prezidenta Rasii ŭzmacnić režym dziaržaŭnaj miažy z boku Rasii, kab spynić praniknieńnie na terytoryju Ukrainy bajevikoŭ i najmitaŭ i pastaŭku dla ich zbroi i braniatechniki.
Pa vynikach hutarki Parašenka daŭ daručeńnie staršyni Dziaržaŭnaj pamiežnaj słužby Ukrainy terminova pravieści kansultacyi ź Fiederalnaj pamiežnaj słužbaj Rasii dla zabieśpiačeńnia miechanizmu efiektyŭnaha kantrolu za Ukrainska-rasijskaj miažoj.
Pres-słužba prezidenta Rasii Uładzimira Pucina, adznačaje, što lidary čatyroch krain pazityŭna acanili vyzvaleńnie naziralnikaŭ misii ABSIE i praviadzieńnie 27 červienia ŭ Daniecku čarhovych kansultacyj pamiž pradstaŭnikami bakoŭ kanfliktu.
«Abmiarkoŭvałasia mahčymaść nakiravańnia inśpiektaraŭ ABSIE na punkty propusku praz rasijska-ŭkrainskuju miažu.
Padkreślena važnaść takich kantaktaŭ na rehularnaj asnovie. Parašenku zaklikali padoŭžyć režym spynieńnia ahniu na bolš doŭhi termin», — havorycca ŭ paviedamleńni pres-słužby Pucina.
Baki damovilisia pravieści telefonnuju razmovu ŭ dadzienym farmacie 30 červienia.
Pieršaja telefonnaja razmova ŭ čatyrochbakovym farmacie adbyŭsia 25 červienia.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary