Apple zapatentavała technałohiju stvareńnia šklanoha smartfona
Kampanija Apple zapatentavała technałohiju vytvorčaści pryład, całkam zroblenych sa škła — ad iPhone i iPad da manitoraŭ i televizaraŭ.
Jak piša Apple Insider, sutnaść vynachodki zaklučajecca ŭ papłastovym nakładańni šklanych panelaŭ i nastupnym złučeńni ich adna z adnoj z dapamohaj termaŭździejańnia.
U vyniku, havorycca ŭ patencie, atrymlivajecca davoli toŭsty kavałak materyjału, jaki moža być padvierhnuty miechaničnaj apracoŭcy dla atrymańnia žadanaj formy. Dalej u całkam šklanym korpusie mohuć być zroblenyja adtuliny dla knopak i inšych elemientaŭ kiravańnia, źmieščany ŭnutr dysplej, elektronika i inšyja kampanienty.
Zadniaja panel, pišuć inžyniery Apple, moža być taniravanaja da napaŭprazrystaha abo nieprazrystaha stanu, kab schavać ad vačej akumulatar, hnutkija kabieli i inšaje načyńnie.
Zajaŭka na patent była padadzienaja jašče ŭ 2013 hodzie, a paćvierdžanaja 8 lipienia 2014 hoda. Siarod aŭtaraŭ patenta — hałoŭny dyzajnier kampanii Džoni Ajv. Adnak rehistracyja Apple aŭtarskich pravoŭ na šklany «ajfon» nie aznačaje, što taki pastupić u prodaž. Kampanija časta atrymlivaje patenty «na ŭsialaki vypadak», tamu prydumanyja joj idei mohuć być nikoli nie realizavanyja ŭ kamiercyjnych praduktach.
U Tajłandzie źnikła anlifanščyca ź Pinska. Jaje mahli pradać u Mjanmu5
Kamientary