Na budaŭnictva druhoj kalcavoj darohi vakoł Minska patrebna 530 młn dołaraŭ, potym jaje zrobiać płatnaj
Na budaŭnictva druhoj Minskaj kalcavoj aŭtadarohi spatrebicca Br5,3 trłn (pry ciapierašnim kursie — $530 miljonaŭ dalaraŭ), paviedamiŭ siońnia namieśnik premjer-ministra Biełarusi Anatol Kalinin, inśpiektujučy budaŭnictva abjekta.
Druhaja kalcavaja daroha vakoł Minska budzie zbudavana častkova z vykarystańniem isnujučych učastkaŭ aŭtadaroh.
Ahulnaja jaje praciahłaść składzie kala 160 km. Realizavać prajekt płanujecca ŭ dva etapy.
U 2016 hodzie budzie pabudavany ŭčastak pa novym napramku: ad aŭtadarohi M-3 Minsk—Viciebsk (rajon Astrašyckaha haradka) da aŭtamahistrali M-6 Minsk—Hrodna (rajon Aksakaŭščyny).
Uźviadzieńnie druhoha ŭčastku ad aŭtadarohi M-6 Minsk—Hrodna da trasy M-1/Je30 Brest—Minsk—miaža RF płanujuć pačać paśla zaviaršeńnia pieršaha etapu.
«U 2016 hodzie płanujecca zaviaršyć ŭčastak bolš za 40 km, a ŭsie 80 km — u 2018 hodzie. Mahčyma, heta adbudziecca i raniej. My pakul aceńvajem našyja nabytyja navyki z budaŭnictvam adnaho kiłamietra (ciemientnabietonnaha pakryćcia) i bačym, što tempy mohuć być značna vyšej.
Hałoŭnaje — adšukać mahčymaść prafinansavać prajekt u poŭnym abjomie «, — ličyć namieśnik kiraŭnika biełaruskaha ŭrada.
Na novaj MKAD zapłanavana budaŭnictva bujnych transpartnych raźviazak, tut pavinny źjavicca łahistyčnyja centry, prypynačnyja punkty, abjekty prydarožnaha siervisu. «Dumaju, što kalcavaja nadaść ekanomicy rajona dadatkovy impuls», — dadaŭ vice-premjer.
Pavodle jaho słoŭ, z časam druhaja MKAD stanie płatnaj. Čas ŭvodu płaty budzie zaležyć ad transpartnych patokaŭ.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary