Rasija dahetul admaŭlała pramy ŭdzieł va ŭkrainskim kanflikcie.
Jak zajaviła pradstaŭnica Dziarždepartamienta ZŠA Mary Charf, amierykanskija ułady «majuć dadzienyja pra toje, što Rasija sa svajoj terytoryi abstrelvaje pazicyi ŭkrainskich vajennych pa druhi bok miažy».
Dziarždep taksama «maje novyja dadzienyja ab tym, što Rasija źbirajecca pieradać [sieparatystam] bolš mahutnyja reaktyŭnyja sistemy załpavaha ahniu», dadała Charf.
U Vašynhtonie ličać, što paśla krušeńnia pasažyrskaha «Boinha» pad Danieckam 17 lipienia pastaŭki ŭzbrajeńniaŭ sieparatystam z Rasii praź miažu nie spynilisia.
Pa słovach Mary Charf, infarmacyja pra artabstreł z terytoryi Rasii hruntujecca na «dadzienych ahienturnaj raźviedki».
Charf admoviłasia ad bolš padrabiaznych kamientaroŭ, kab, pavodle jaje słovaŭ, «nie skampramietavać krynicy i mietady zboru infarmacyi».
Amierykanskija ŭłady ličać, što i «Boinh» Malaysia Airlines byŭ źbity prarasijskimi sieparatystami ź zienitna-rakietnaha kompleksu «Buk», chutčej za ŭsio, pa pamyłcy.
Maskva pakul nijak nie adreahavała na apošniuju zajavu Dziarždepartamienta.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie41
Kamientary