Kiraŭnik Ukrainy doŭhi čas siabruje z Rasijaj. A potym vyrašaje źmianić palityčnaha sajuźnika i pieraaryjentavacca na Zachad. U adkaz Maskva abjaŭlaje jaho zdradnikam. Kiraŭnik Ruskaj pravasłaŭnaj carkvy praklinaje jaho. A rasijskija vojski ŭvachodziać va ŭkrainskuju stalicu. Havorka pra padziei ChVIII stahodździa, kali hietman Zaparožskaha vojska Ivan Maziepa pierajšoŭ na bok šviedskaha karala Karła CHII.
Dla Rasii Maziepa zdradnik. Dla Ukrainy — hieroj, bo prahnuŭ vyzvaleńnia z-pad rasijskaha jarma. Jahonaja vyjava jość navat na hrošach.
Siužet, źviazany z učynkam Maziepy, jašče ŭ XIX stahodździ natchniŭ dvuch rasijskich tvorcaŭ. Alaksandr Puškin napisaŭ paemu «Pałtava», Piotr Čajkoŭski — opieru «Maziepa». Pry ich napisańni jany kiravalisia rasijskim pohladam na historyju. Tamu Maziepa paŭstaje ŭ tvorach zdradnikam.
3 vieraśnia 2014 hoda ŭ Vialikaj kancertnaj zale Biełaruskaj dziaržaŭnaj fiłarmonii (praśpiekt Niezaležnaści, 50) adbudziecca adkryćcio 87 kancertnaha siezona.
Z udziełam Dziaržaŭnaha simfaničnaha arkiestra (dyryžor Alaksandr Anisimaŭ) adbudziecca vykanańnie kampazicyi, stvoranaj na asnovie «Pałtavy» i «Maziepy».
Takim čynam, Anisimaŭ vybraŭ rasijskuju viersiju historyi.
Tekst puškinskaj «Pałtavy» budzie čytać rasijski akcior Andrej Miarźlikin. Jon niekalki razoŭ zdymaŭsia ŭ filmach, źviazanych ź Biełaruśsiu («Franz + Polina» pavodle apovieści Alesia Adamoviča «Niamy», «Bresckaja krepaść», «Biełyja Rosy. Viartańnie»). Partyju Maryi Kačubiej vykonvaje rasijskaja śpiavačka Iryna Krykunova, Maziepy — jaje suajčyńnik Vasil Śviatkin. A voś partyju Andreja, jaki kachaje Maryju, budzie śpiavać ukrainiec Viktar Łuciuk.
Cikava, što siarod dziejnych asobaŭ jość i biełarus. Pilip Orlik (jaho partyju vykonvaje Vital Zapiekin) naradziŭsia na terytoryi sučasnaha Vilejskaha rajona.
Hałoŭny paplečnik Maziepy, jon ukłaŭ «Kanstytucyju Pilipa Orlika», adnu ź pieršych u śviecie, vielmi demakratyčnuju. Va Ukrainie ličycca nacyjanalnym hierojem.
A dla Rasii jon jašče adzin zdradnik. Tamu nie dziŭna, što ŭ opiery Čajkoŭskaha Orlik pieratvaryŭsia ŭ kata.
Taksama ŭ prahramie prahučać simfaničnaja rapsodyja dla arkiestra «Taras Bulba» (aŭtar — češski kampazitar Leaš Janačak) i tvor sučasnaha biełaruskaha kampazitara Haliny Harełavaj «Žarści pa Marku», pryśviečany Marku Šahału.
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary