Humanitarny kanvoj samavolna zajechaŭ na terytoryju Ukrainy, jaho supravadžajuć bajeviki
Rasija zajaŭlaje ab pryniaćci adnabakovaha rašeńnia ab pačatku ruchu rasijskaj kałony z humanitarnym hruzam u Łuhansk. Pra heta havorycca ŭ zajavie Ministerstva zamiežnych spraŭ RF.
«Rasijskim bokam pryniata rašeńnie dziejničać. Naša kałona z humanitarnym hruzam pačynaje ruch u kirunku Łuhanska», — zajaŭlajuć u rasijskim MZS.
Rasijskija dypłamaty abvinavačvajuć Ukrainu ŭ pieraškodzie dastaŭcy humanitarnaha hruzu z Rasii dla žycharoŭ Danbasa. Maŭlaŭ, «zamacoŭvajecca adčuvańnie, što ciapierašnija ŭkrainskija kiraŭniki śviadoma zaciahvajuć dastaŭku humanitarnaha hruzu, kab damahčysia situacyi, kali dapamohu budzie niama kamu pradastaŭlać».
Pry hetym u Maskvie naŭprost abvinavačvajuć ukrainskija vojski ŭ bambardziroŭcy Daniecka i Łuhanska. U MZS RF zapeŭnivajuć, što dali «vyčarpalnyja śpisy» taho, što znachodzicca ŭnutry biełych Kamazaŭ, a taksama padali ŭsie harantyi biaśpieki Čyrvonamu Kryžu.
Ahienctva Interfaks paćviardžaje, što kałona z 34 KamAZaŭ ciapier pierasiakaje ŭkrainskuju miažu na KPP «Izvaryna» i nakiroŭvajecca na Łuhansk.
Aficyjny pradstaŭnik Kramla zajaviŭ ahienctvu Reuters, što prezident Uładzimir Pucin prainfarmavany pra pačatak ruchu humanitarnaj kałony.
Pakul niezrazumieła, ci ŭchvaliŭ Mižnarodny kamitet Čyrvonaha Kryža pačatak ruchu na miažy. U rasijskim Čyrvonym Kryžy zajavili pra hatoŭnaść supravadžać hruz.
Afarmleńnie humanitarnaha hruzu na rasijskaj miažy pačałosia ŭčora ŭ 15:15. Za minuły čas mytniki zdoleli aformić tolki 34 mašyny.
Rasijskija hruzaviki z humanitarnaj dapamohaj iduć pa terytoryi Ukrainy ŭ bok Łuhanska ŭ supravadžeńni uzbrojenych sieparatystaŭ. Pra heta paviedamlaje «Interfaks» sa spasyłkaj na štab apałčeńnia samaabvieščanaj Łuhanskaj narodnaj respubliki.
«My harantujem biaśpieku humanitarnaha hruzu i asob, jakija jaho supravadžajuć. Kałona ruchajecca pad achovaj apałčencaŭ», - zajavili sieparatysty.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary