«U nas nie vyrablajucca lehkaviki, tamu my pavinny dać mahčymaść nasielnictvu nabyć aŭtamabil na kankurentnaj asnovie», — skazaŭ staršynia DMK Alaksandr Špileŭski.
Jon adznačyŭ, što takaja mahčymaść nie abmiarkoŭvajecca navat papiarednie. Na dumku kiraŭnika DMK, takoje rašeńnie było b niełahičnym, bolš taho, «hetaha rabić nielha». «U nas nie vyrablajecca lehkavy aŭtatranspart, tamu my pavinny dać mahčymaść nasielnictvu nabyć aŭtamabil na kankurentnaj asnovie», — skazaŭ Alaksandr Špileŭski.
Što ž datyčycca ŭvozu hruzavych aŭtamabilaŭ, to tut pazicyja adnaznačnaja: nieabchodna ŭvodzić zabaranialnyja mytnyja praviły na patrymanyja hruzaviki jak u Rasijskaj Fiederacyi, tak i ŭ Biełarusi. Staršynia kamiteta ličyć, što ŭ hetym vypadku ŭ Biełarusi i Rasii adnolkavaje stanovišča. U abiedźviuch krainach vyrablajucca davoli kankurentazdolnyja mašyny. I ŭvoz staroj techniki, jakaja vykarystoŭvałasia ŭžo i pa canie niesupastaŭnaja z novaj, — heta va ŭron i ekałohii, i ekanomicy pradpryjemstvaŭ.
Alaksandr Špileŭski padkreśliŭ, što DMK ličyć metazhodnym pravodzić ahulnuju palityku Biełarusi i Rasijskaj Fiederacyi ŭ častcy taryfnaha rehulavańnia i vystupaje za ŭviadzieńnie zaharadžalnych taryfnych pravił na patrymanyja hruzaviki.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja46
Kamientary