Miescaznachodžańnie hramadskaha aktyvista z Bychaŭskaha rajona Alaksandra Šačonka nieviadomaje z 27 žniŭnia, paviedamiŭ mahiloŭski pravaabaronca Barys Buchiel.
Pavodle słoŭ pravaabaroncy, apošni raz Šačonka bačyli 27 žniŭnia ŭ rajonnym sudzie ŭ Bychavie, dzie prachodziŭ razhlad isku aktyvista ŭ dačynieńni da susieda, jaki jaho źbiŭ i abvinavačvajecca ŭ naniasieńni ciažkich cialesnych paškodžańniaŭ. Buchiel padtrymlivaje suviaź sa svajakami źnikłaha ŭ Bychaŭskim rajonie i Mahilovie, jakija i paviedamili jamu pra źniknieńnie aktyvista.
Buchiel paviedamiŭ, što nieadnarazova dapamahaŭ Šačonku ŭ padrychtoŭcy dakumientaŭ u sud. Na apošnim pasiadžeńni płanavałasia, što jon vystupić z chadajnictvam ab źmianieńni miery strymańnia adkazčyku, pakolki toj nibyta pahražaŭ hramadskamu aktyvistu.
«Ja ŭžo pazvaniŭ u biuro rehistracyi niaščasnych vypadkaŭ UUS Mahiloŭskaha abłvykankama, ale biezvynikova», — skazaŭ Buchiel. Pavodle jaho słoŭ, 29 žniŭnia svajaki Šačonka padali zajavu ŭ milicyju ab źniknieńni hramadskaha aktyvista.
U adździaleńni infarmacyi i hramadskich suviaziaŭ UUS Mahiloŭskaha abłvykankama BiełaPAN paviedamili, što ŭ dačynieńni da Šačonka Bychaŭskim RAUS «pravodziacca pravieračnyja mierapryjemstvy pa ŭstanaŭleńni jaho miescaznachodžańnia».
Šačonak vioŭ aktyŭnuju hramadskuju dziejnaść. Nieadnarazova źviartaŭsia sa skarhami ŭ pravaachoŭnyja orhany nakont niepravamiernych, pavodle jaho mierkavańnia, dziejańniaŭ asobnych supracoŭnikaŭ Bychaŭskaha RAUS. Padčas vybaraŭ u miascovyja orhany ŭłady ŭ sakaviku ŭvachodziŭ u inicyjatyŭnuju hrupu kandydata ŭ deputaty ad Biełaruskaj sacyjał-demakratyčnaj partyi (Hramada) Leanida Padbiareckaha.
Ciapier čytajuć
Ich Zareckaja: deputat-jabaćka Aleh Navicki kinuŭ biełaruskich inviestaraŭ na miljony dalaraŭ. Detali schiemy1
Kamientary