Aŭtobus pierajechaŭ bajkieraŭ u Lidskim rajonie,
paviedamili ŭ adździaleńni ahitacyi i prapahandy UDAI UUS Hrodzienskaha abłvykankama.
Junak na «Suzuki» siońnia padvoziŭ dziaŭčynu ŭ Iŭje, dzie jana prachodziła vučebnuju praktyku. Abodva jechali ŭ šlemach i śpiecyjalnych kaściumach, a na matacykle było ŭklučana blizkaje śviatło far. Na T-pierakryžavańni darohu im pieraharadziŭ sučlenieny «harmonikam» aŭtobus MAZ.
Jaho kiroŭca, vyjazdžajučy z druharadnaj darohi, prapuściŭ paru hruzavikoŭ, adnak nie daŭ prajechać matacykłu.
Sprabujučy vyratavacca, bajkier zatarmaziŭ i staraŭsia pahasić chutkaść, pakłaŭšy matacykł na bok. Adnak pa iniercyi «Suzuki» apynuŭsia pad aŭtobusam.
Bajkier i pasažyrka pamierli na miescy.
Kamientary