U Biełarusi raspracoŭvajecca płan mierapryjemstvaŭ pa raźvićci viełaruchu
U Biełarusi raspracoŭvajecca płan mierapryjemstvaŭ pa raźvićci viełasipiednaha ruchu na 2015—2016 hady, paviedamiŭ pieršy namieśnik hienieralnaha dyrektara Biełaruskaha navukova-daśledčaha instytuta transpartu «Transtechnika» Pavieł Bažanaŭ 16 vieraśnia ŭ Minsku padčas dyskusii na temu arhanizacyi haradskoj prastory i transpartu.
Pavodle jaho słoŭ, płan praduhledžvaje, u pieršuju čarhu, raźvićcio viełasipiednaj infrastruktury, uklučajučy stvareńnie vieładarožak, viełakafe, miescaŭ navučańnia jaździe na viełasipiedzie, a taksama viełakiempinhaŭ i inšych abjektaŭ, nieabchodnych dla dalokich pajezdak viełasipiedystaŭ.
Važnaj častkaj płana, pavodle mierkavańnia Bažanava, źjaŭlajucca mierapryjemstvy pa arhanizacyi biaśpieki viełasipiedystaŭ. «Siońnia, na žal, vadzicieli aŭtamabilaŭ nie zaŭvažajuć viełasipiedystaŭ», — adznačyŭ jon.
Akramia taho, płanam praduhledžvajecca vyrašeńnie arhanizacyjnych pytańniaŭ (infarmavańnie nasielnictva, raspracoŭka viełamaršrutaŭ i h.d.) i praca pa papularyzacyi viełasipiedaŭ siarod hramadzian.
Pavodle słoŭ namieśnika hiendyrektara, płan mierapryjemstvaŭ raspracoŭvajecca dla ŭsioj respubliki, a zatym budzie raspaŭsiudžany na rehijony.
BiełNDIT prymaje prapanovy ad hramadzian pa raźvićci viełaruchu.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary