Litaratar i vydaviec z Žodzina Ŭładzimier Siŭčykaŭ dasłaŭ adkryty list u redakcyju hazety "Narodnaja Vola" pa fakcie publikacyi "Harsaviet sastaryŭ Žodzina na trysta hadoŭ". Jon ličyć, što arhumienty pryviedzienyja ŭ materyjale absalutna biespadstaŭnyja
"Źjaŭlajusia daŭnim prychilnikam, čytačom i aŭtaram "Narodnaj Voli", jakuju Vy ciahavita, mužna i talenavita redahujecie" – takimi słovami pačynajecca adkryty list da Iosifa Siaredziča. "Adnak natatka "Horsoviet sostarił Žodino na trista let", źmieščanaja ŭ №№181-182 za podpisam Valeryi Rubinaj sa spasyłkaj na materyjale sajtu bulletinonline.org źbiantežyła i rasčaravała."
Miarkujcie sami – havorycca dalej, – pamyłki i chiby pačynajucca ŭžo z zahałoŭka, bo ŭzakonienaja rašeńniem Žodzinskaha harsavieta data naradžeńnia horada robić jaho starejšym nie na trysta, a na trysta dvaccać hadoŭ. Deputaty, jak śćviardžaje aŭtarka, pryniali histaryčnaje (heta słova ŭziata joju ŭ źjedlivyja dvuchkośsi) na vielmi i vielmi farmalnych padstavach. Dazvolcie adkazać joj i na hetuju ahresiŭnuju niepiśmiennaść. Zhodna histaryčnaj tradycyi dataj naradžeńnia horada ličycca pieršaja piśmovaja zhadka pra jaho. A pieršaja takaja zhadka pra Žodzina ŭtrymlivajecca ŭ "Śmialavickim invientary" za 1643 hod. Ułasnaručna trymaŭ, čytaŭ i fatahrafavaŭ hety dakumient z łaskavaha dazvołu supracoŭnikaŭ Centralnaha histaryčnaha archiva, što na staličnaje vulicy Krapotkina. Adrasuju tudy spadaryniu Rubinu, jakaja ličyć, što chtości zamoviŭ padtasavać fakty, kab dziela salidnaści kiravać stałym, a nie "maładym haradziškam". Nie chaciełasia b mnie, kab spadarynia Rubina sutyknułasia na vuzkaj ściažyncy sa 120-tonnym samazvałam, jaki vyrablajuć u "haradzišku" sa 60-tysiačnym nasielnictvam! Ci moža aŭtarka abraźlivaj dla žodzincaŭ natatki pačuvajecca Hulivieram u krainie liliputaŭ i "BiełAZ" joj što muraška?
Siŭčykaŭ davodzić, što intanacyja natatki niadobrozyčlivaja i sarkastyčnaja, što absalutna biespadstaŭna. Bo ŭžo doŭhi čas viadziecca kulturna – aśvietnickaja praca pa ŭšanavańni sapraŭdnaj historyi Žodzina, jakuju ažyciaŭlajuć jak uładnyja tak i hramadzkija struktury. A źmiest natatki paprostu abražaje histaryčnaje minułaje Žodzina i honar jaho žycharoŭ. "Pracujma ž na pazityŭ i chaj adkasnucca złaślivyja niedabrazyčliŭcy i zajzdrośniki!" – piša Siŭčykaŭ naprykancy adkrytaha lista.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?4
Kamientary