Pravodzicca pravierka pa fakcie DTZ, učynienaha 20 vieraśnia ŭ Ivanaŭskim rajonie Bresckaj vobłaści, u vyniku jakoha paciarpieli try čałavieki.
Jak paviedamiła staršy inśpiektar adździaleńnia pa ahitacyi i prapahandzie DAI UUS Bresckaha abłvykankama Natalija Milukova, avaryja zdaryłasia na 13-m kiłamietry aŭtadarohi N-472 Ivanava — Motal — Tyškavičy — Obrava. 21-hadovy žychar Ivanava nie spraviŭsia z kiravańniem «Miersiedesa 300 D» i vyjechaŭ na pałasu sustrečnaha ruchu, dzie sutyknuŭsia z «Opielem Amieha». Ad łabavoha ŭdaru «Miersiedes» adkinuła, i jon sutyknuŭsia jašče raz z «Falksvahienam-Pasat», jaki ruchaŭsia za «Opielem». Usie try transpartnyja srodki apynulisia ŭ kiuviecie.
U vyniku DTZ atrymali traŭmy žančyna-vadziciel «Opiela» i jaje pasažyrka, a taksama pasažyrka «Falksvahiena». Usim paciarpiełym žančynam pa 45 hadoŭ, jany źmieščany ŭ Ivanaŭskuju centralnuju rajonnuju balnicu. Vadzicieli «Miersiedesa» i «Falksvahiena» nie paciarpieli.
«Małady čałaviek, jaki kiravaŭ «Miersiedesam», kinuŭ svoj aŭtamabil i ŭciok ź miesca DTZ, — skazała Milukova. — Na praciahu hadziny jon byŭ zatrymany ŭ adnym z damoŭ u vioscy Zamošša. Na momant zatrymańnia kancentracyja ałkaholu ŭ jaho skłała 2,3 pramile».
Pravierkaj akaličnaściaŭ DTZ zajmajecca adździaleńnie DAI Ivanaŭskaha RAUS. Vyrašajecca pytańnie ab raspačynańni kryminalnaj spravy ŭ dačynieńni da vadziciela «Miersiedesa».
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary