Terarysty praciahvajuć parušać damoŭlenaści ab spynieńni ahniu i abstrelvać pazicyi sił ATA, paviedamiŭ śpikier IAC SNBA Andrej Łysienka padčas bryfinhu 4 kastryčnika.
Pa słovach Łysienki, pryjarytetnaj metaj dla terarystaŭ zastajecca aeraport Daniecka. Bajeviki zdiejśnili niekalkich čarhovych niaŭdałych sprob šturmu aeraporta» (hł. taksama: Aeraport Daniecka: u ATA zajaŭlajuć, što jon pad kantrolem, u «DNR» — što jon zachopleny).
Jak paviedamlaje UNIAN sa spasyłkaj na TSN, apublikavanaja karta ATA śviedčyć, što ŭkrainskija vajskoŭcy ŭziali pad kantrol zvyšvažny infrastrukturny abjekt — trasu na Charkaŭ, pašyryŭšy harłavinu zony kantrolu ŭ rajonie Diebalcieva. Zaraz jaje centr prachodzić praź Śvietładarsk i pa trasie M03, stratehična važnaha napramku Arciomaŭsk—Słaviansk—Izium—Charkaŭ.
Situacyja ŭ Maryŭpali całkam kantralujecca, usie słužby pracujuć u štatnym režymie.
Na učastkach miažy z RF situacyja spakojnaja, bajavych sutyknieńniaŭ i abstrełaŭ nie adbyvałasia.
Praciahvajecca fiksacyja pierasoŭvańniaŭ rasijskaj vajennaj techniki na terytoryi AR Krym.
Učora ŭ 12.20 niepadalok nasielenaha punkta Čyrvony Čaban Chiersonskaj vobłaści na administracyjnaj miažy z AR Krym naziraŭsia ruch 2 tankaŭ, 2 BTR, 1 «Urał».
U 15.50 niepadalok administracyjnaj miažy z AR Krym pamiežniki vyjavili pamiž trasaj «Kałančak—Armiansk» i lesapałasoj da 10 zatentavanych adzinak ciažkaj techniki (aryjentyrovačna tanki abo BTR).
Ciapier čytajuć
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić55
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić5
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Kamientary