U Miorskim rajonie asudžanaja pradaviec viaskovaj kramy.
Jak paviedamlaje UUS Viciebskaha abłvykankama, supracoŭnikami pa baraćbie z ekanamičnymi złačynstvami adździeła ŭnutranych spraŭ Miorskaha rajvykankama ŭ vyniku praviadzieńnia mierapryjemstvaŭ pa spynieńni parušeńniaŭ u śfiery handlu na abjektach rajonnaha spažyvieckaha tavarystva była vyjaŭlena niastača tavarna-materyjalnych kaštoŭnaściaŭ u adnoj ź viaskovych kramaŭ.
Ustanoŭlena, što pradaviec čaćviortaha razradu, źjaŭlajučysia materyjalna adkaznaj asobaj, niesučy zhodna z zaklučanaj ź joj damovaj poŭnuju materyjalnuju adkaznaść za zabieśpiačeńnie zachavanaści daručanych joj kaštoŭnaściaŭ, na praciahu niekalkich miesiacaŭ šlacham prysvajeńnia vykradała roznyja tavary z kramy. Paśla, kab schavać fakt niastačy, pradaviec niaŭdała inscenavała kradziež u hetym kramie. Svaimi supraćpraŭnymi dziejańniami jana naniesła Miorskim rajonnamu spažyvieckamu tavarystvu škodu bolš čym na 56 młn. rubloŭ, što składała 432,79 bazavaj vieličyni, heta značyć u bujnym pamiery.
Pa dadzienym fakcie była raspačataja sprava na padstavie č. 3 art. 211 KK (prysvajeńnie abo rastrata, učynienyja ŭ bujnym pamiery). U časie śledstva pradaviec svaju vinu pryznała i kampiensavała škodu.
Pa vynikach razhladu kryminalnaj spravy sudom Miorskaha rajona vyniesieny abvinavaŭčy prysud, pa jakim žančynie pryznačanaje pakarańnie ŭ vyhladzie pazbaŭleńnia voli na try hady z adterminoŭkaj vykanańnia na dva hady, z kanfiskacyjaj majomaści i pazbaŭleńniem prava zajmać materyjalna adkaznyja pasady na piać hadoŭ. Prysud nie byŭ abskardžany i ŭstupiŭ u zakonnuju siłu.
U 2009 hodzie za anałahičnaje złačynstva žančyna była asudžanaja da pakarańnia ŭ vyhladzie štrafu sudom Asipovickaha rajona, adnak u suviazi z amnistyjaj sudzimaść była źniataja.
Kamientary