Na siońniašniaj presavaj kanferencyi ŭ Maskvie tema Kanstytucyjnaha aktu z apakaliptyčnaj pieratvaryłasia ŭ anekdatyčnuju. Piša ŭ svaim błohu Alaksandar Kłaskoŭski.
Kamentavać Paŭła Baradzina šerah kalehaŭ ličyć mavetonam. Zrešty, tut asablivych kamentaroŭ i nie patrebna. Na siońniašniaj presavaj kanferencyi ŭ Maskvie tema Kanstytucyjnaha aktu z apakaliptyčnaj pieratvaryłasia ŭ anekdatyčnuju.
Navat u litaralnym sensie. Hałoŭny čynoŭnik "sajuznaje dziaržavy", sprabujučy aleharyčna abmalavać perspektyvy Pucina jak prezydenta hetaje dziaržavy, raspavioŭ davoli dvuchsensoŭny anekdot pra majtki (ci, dakładniej, ichniuju adsutnaść:) Hustoŭnaść humaru možacie acanić tut.
Nu a fraza pra toje, što cieraź siem hadoŭ Eŭraźviaz paprosicca ŭ "sajuznuju dziaržavu", badaj, najbolej vyrazna ilustruje stupień adekvatnaści baradzinskich prajektaŭ.
Što ž u suchoj astačy?
Sa słoŭ Baradzina, Pucin na ichniaj učorašniaj sustrečy, kali abmiarkoŭvali prahramu vizytu ŭ Miensk, pytańnie nakont terminaŭ pryniaćcia Kanstytucyjnaha aktu paraiŭ "nie abvastrać". Hety pasaž z vusnaŭ Baradzina dasłoŭna pryviedzieny voś tut. Raju pračytać biez kupiuraŭ — atrymajecie masu zadavalnieńnia.
Ale vierniemsia da temy vizytu.
Na tle žadańnia "nie abvastrać" padvyšajecca imaviernaść "prahmatyčnaha" scenaru sustrečy Pucin — Łukašenka. Što nie vyklučaje (a badaj i vymahaje) nadzimańnia pijaraŭskaj burbałki, jak zaznačaje ŭ błohu na sajcie radyjo "Svaboda" Jury Drakachrust. (Tak, ja ničoha nie pierabłytaŭ. Sajtu zrabili aphrejd, i rubryka "Błohi" abiacaje być cikavaj.)
U lubym vypadku zaklik BNF da publičnaha "fe" planam inkarparacyi zastajecca aktualnym. Na miescy ŭłady samaje toje było b arhanizavać dla ŭdzielnikaŭ vuličnaha pratestu padvoz haračaje kavy z bułačkami. Ale ŭ nas z takoj ža imaviernaściu možna dastać dručkom pa chrybcie abo 15 sutak ("...budzie tabie i kava, i kakava z čajem":) Vuń pradprymalniki pamitynhavali…
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary