Jak skazana ŭ paviedamleńni ŁNR, dla praviadzieńnia hałasavańnia pa vybarach kiraŭnikoŭ i deputataŭ «Narodnaha savieta» ŁNR adkrylisia 102 vybarčyja ŭčastki. Ź ich — čatyry mabilnych i try, raźmieščanyja na terytoryi Rasijskaj Fiederacyi.
Paviedamlajecca, što kiraŭnik ŁNR Ihar Płatnicki ŭžo prahałasavaŭ na ŭčastku, raźmieščanym u Łuhanskim ruskim dramatyčnym teatry imia Paŭła Łuśpiekajeva.
Usiaho ŭ ŁNR na pasadu kiraŭnika pretendujuć čatyry kandydaty: dziejučy kiraŭnik Ihar Płatnicki, kiraŭnik Fiederacyi prafsajuzaŭ Aleh Akimaŭ, ministr achovy zdaroŭja «ŁNR» Łarysa Ajrapiecian i pradprymalnik Viktar Pienier.
U vybarach u «Narodny saviet» ŁNR ŭdzielničajuć try hramadskija arhanizacyi: «Mir Łuhanščynie», «Łuhanski ekanamičny sajuz» i «Narodny sajuz».
Vybary 2 listapada prachodziać taksama ŭ «Danieckaj narodnaj respublicy».
«Jeŭrasajuz nie pryznaje hetyja psieŭdavybary, jakija pravodziacca ŭ parušeńnie ŭkrainskaha zakanadaŭstva i tamu źjaŭlajucca nielehitymnymi.
Akramia taho, hetyja vybary źjaŭlajucca poŭnaj supraćlehłaściu duchu i litary Minskaha pratakołu i jany nacelenyja na padryŭ mirnaha ŭrehulavańnia pracesu na Danbasie «, — zajaviŭ staršynia kamiteta Jeŭraparłamienta pa zamiežnych spravach Ełmar Brok, pieradaje TASS.
Kamientary