Vyšejšaja instancyja Małdovy pakinuła ŭ sile rašeńnie Apielacyjnaj pałaty ab vyklučeńni farmiravańnia «Patrya—Radzima» ź pieradvybarčaj honki. Vybary ŭ krainie projduć zaŭtra, 30 listapada.
U sud źviarnuŭsia Centrvybarkam paśla taho, jak vyśvietliłasia, što partyja finansavałasia z-za miažy, z Rasii. A heta zabaroniena zakonam. Pa dadzienych śledstva, farmiravańnie vydatkavała bolš za vosiem miljonaŭ lejeŭ (kala 530 tys. dalaraŭ).
Pa rašeńni suda, «Patrya» ŭ vybarach udzielničać nie moža. Heta značyć, što ŭ biuleteniach u hrafie farmiravańnia pastaviać adpaviedny štamp, paviedamlaje Publika.md.
Parłamienckija vybary ŭ Małdovie projduć 30 listapada. Baraćba pojdzie pamiž prarasijskimi i prajeŭrapiejskimi partyjami.
Niekalki dzion tamu lidar «Patryi» Renata Usaty źjechaŭ u Rasiju, a niezadoŭha da hetaha pahražaŭ Kišyniovu svaim «majdanam».
Na minułym tydni siły biaśpieki Małdovy zatrymali niekalki dziasiatkaŭ bajevikoŭ, što mieli zbroju i płany pamiaškańniaŭ Centrvybarkama, telebačańnia i ŭrada. Usie jany byli źviazanyja z pramaskoŭskimi hrupoŭkami.
-
«Zaniapad — heta vybar». Marka Rubia ŭ Miunchienie zaklikaŭ Zachad pryznać pamyłki i abnavić suśvietny paradak
-
«Źmiena režymu nieabchodnaja, ale nie tolki tamu, što my chočam być svabodnymi». Reza Piechlevi zaklikaŭ ZŠA nanieści vajenny ŭdar pa iranskim režymie
-
Bieły dom apublikavaŭ valancinku z Hrenłandyjaj
Kamientary