Pantone Color Institute nazvaŭ samaje aktualnaje adcieńnie 2015 hoda. Ab hetym paviedamlajecca na sajcie Instytuta koleru. Na dumku ekśpiertaŭ, najbolš modnym u 2015 hodzie budzie ton pad nazvaj «Marsała» — ciopły bardova-karyčnievy.
Hałoŭny koler 2015 atrymaŭ svaju nazvu pa anałohii z adnajmiennym desiertnym vinom ź Sicylii.
«Marsała ŭvasablaje zadavalnieńnie ad smačnaha abiedu, a jaho čyrvona-karyčnievaja asnova vypramieńvaje vytančanaść i naturalnaść», — havorycca na sajcie Pantone.
Vykanaŭčy dyrektar Instytuta koleru Leatrys Ajsman adznačyła, što adcieńnie marsała «uvasablaje upeŭnienaść i stabilnaść», ale razam z tym «pryciahvaje achinalnać ciepłynioj».
Pantone zajmajecca daśledavańniami ŭ halinie vyznačeńnia samych aktualnych adcieńniaŭ z 2000 hoda. Da rekamiendacyj kałarysta prysłuchoŭvajucca śpiecyjalisty ŭ śfiery mody, kaśmietałohii, pramysłovaha, hrafičnaha i interjernaha dyzajnu.
Kab vybrać koler hoda, u Pantone analizujuć raznastajnyja trendy i źjavy: navinki kinaindustryi, kalekcyi tvoraŭ mastactva, papularnyja turystyčnyja napramki, sacyjalnyja i ekanamičnyja padziei.
Vynikam źjaŭlajecca koler, jaki, na dumku analitykaŭ, vykazvaje nastroj i pohlady pakupnikoŭ. U 2014 hodzie samym aktualnym pa viersii Pantone staŭ adcieńnie «zichatlivaja archideja», u 2013-m — smarahdavy, u 2012-m — «mandarynavy tanha».
Kamientary