Jak minimum adzin nieviadomy ŭzbrojeny čałaviek zachapiŭ zakładnikaŭ u kafe aŭstralijskaha horada Sidnej.
Pradstaŭnik kampanii Lindt, jakaja źjaŭlajecca ŭładalnikam kafe, kaža, što na momant zachopu ŭ budynku znachodzilisia 10 rabotnkaŭ i 30 naviedvalnikaŭ.
Na kadrach, jakija pakazvajuć pa aŭstralijskim telebačańni, bačnyja prymamsi try zakładniki, jakija stajać z padniatymi rukami nasuprać akna, a pobač čorny ściah z nadpisam pa-arabsku.
Ściah padobny na tyja, jakija vykarystoŭvajuć džychadzisty z «Isłamskaha dziaržavy».
Rajon u centry horada, dzie raźmiaščajecca kafe Lindt, ačepleny palicyjaj.
07:50
Adzin rabotnik zachoplenaha kafe ŭ Sidnei i dvoje naviedvalnikaŭ zdoleli źbiehčy z budynka.
Ludzi źbiehli praz bakavyja dźviery ŭstanovy. Pakul niezrazumieła, ci byŭ heta ŭcioki, ci ludziej adpuściŭ zachopnik.
***
Pavodle źviestak karespandenta Aŭstralijskaj radyjoviaščalnaj karparacyi, da miesca zdareńnia padjechała braniatechnika sił pravaparadku. Taksama telekanał paviedamiŭ sa spasyłkaj na vidavočcaŭ ab hukach stralby, ale paćvierdžańnia hetaj infarmacyi niama.
Byli evakujavanyja niekatoryja viadomyja budynki horada, u tym liku Sidnejski opierny teatr. Miascovyja ŚMI paviedamili, što pavietranaja prastora nad centralnaj častkaj horada była zakryta dla palotaŭ.
Aŭstralijski premjer-ministr Toni Ebat zajaviŭ, što situacyja vyklikaje «hłybokuju zaniepakojenaść».
«Niachaj aŭstralijcy nie sumniavajucca ŭ tym, što pravaachoŭnyja orhany i słužby biaśpieki dobra padrychtavany i asnaščany ŭsim nieabchodnym. Jany pracujuć staranna i prafiesijna», — skazaŭ jon. Ebat dadaŭ, što matyvy zachopnikaŭ nieviadomyja, ale nie vyklučyŭ palityčnaha padtekstu.
Sklikana narada nacyjanalnaha kamiteta biaśpieki.
U vieraśni palicyja aryštavała i pradjaviła abvinavačvańni čałavieku, jaki pahražaŭ adsiekčy hałavu minaku ŭ centry Sidneja. U paniadziełak sud u Sidnei pradjaviŭ abvinavačvańnie dvum padazravanym u teraryźmie.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj34
Kamientary