Novaja schiema: jak ja pradaŭ dalar za 10800 i kupiŭ za 14450 rubloŭ
Apoŭnačy 20 śniežnia ŭ Biełarusi zapracavała novaja sistema kupli valuty. Kožny achvotny nabyć zamiežnyja hrošy musić spłacić dadatkovyja 30% ad kursa. Hetaja suma budzie pieraličvacca ŭ dziaržaŭny biudžet. Što praŭda, pryniaty biudžet na 2015 hod nie praduhledžvaje takich dachodaŭ.
Karespandent «NN» vyrašyŭ pravieryć novyja praviły na sabie. Pa stanie na 0:00 sistema zapracavała jašče nie va ŭsich abmieńnikach. A voś u «Biełarusbanku», jaki znachodzicca ŭ hateli «Viktoryja», paćvierdzili, što pačali pracu z valutaj.
Adnak nabyć dalary pa-raniejšamu nielha. U prodaž traplaje tolki taja valuta, jakuju zdajuć papiarednija klijenty.
Dla ekśpierymientu davodzicca pradać adzin dołar. Kurs kupli składaje 10780 rubloŭ. Kasirka, akruhlajučy, adličvaje za jaho 10800 rubloŭ. Ale dadatkovyja 30% pry kupli atrymać nie ŭdasca.
«A ciapier kupić» — «Valuty na prodaž niama! Ci vam hety samy dalar nazad?» — zdahadvajecca kasirka. Tolki što zahružanaja ŭ kampjutar prahrama, vidać, jašče nie dapracavanaja, bo dadatkovyja 30% jana vyličvaje na kalkulatary. Narešcie abviaščaje: «Z vas 14550».
U atrymanaj kvitancyi kamisija zapisvajecca dadatkovy radkom. Aproč jaje ŭkazvajecca kurs banka, a taksama ahulny raźlik. Z dakumienta vynikaje, što tolki što ja addaŭ biełaruskamu biudžetu 3350 rubloŭ.
Kali padviazuć dalary na prodaž, kasirka nie viedaje. Samalot z valutaj jašče nie prylacieŭ.
Ciapier čytajuć
Ich Zareckaja: deputat-jabaćka Aleh Navicki kinuŭ biełaruskich inviestaraŭ na miljony dalaraŭ. Detali schiemy2
Kamientary