Biełaruś budzie imknucca da narmalizacyi adnosin z Zachadam. Ab hetym kiraŭnik dziaržavy Alaksandr Łukašenka zajaviŭ siońnia pry pradstaŭleńni na pasadzie kiraŭnika Administracyi prezidenta Biełarusi Alaksandra Kosinca.
Kiraŭnik dziaržavy adznačyŭ, što ŭ poli zroku Administracyi Prezidenta pavinny znachodzicca pytańni nie tolki ŭnutranaj, ale i źniešniaj palityki. «Hieapalityčnaja abstanoŭka i ŭ śviecie, i vakoł našaj krainy stanovicca ŭsio bolš składanaj», — padkreśliŭ jon. Pavodle jaho słoŭ, zadaču pa vypracoŭcy i realizacyi apieradžalnych dziejańniaŭ u adkaz na źniešnija pahrozy treba vyrašać va ŭzajemadziejańni z uradam i MZS.
Nastupny hod stanie klučavym dla Biełarusi pa mnohich napramkach. U pryvatnaści, stanie realnaściu Jeŭrazijski ekanamičny sajuz. Tut, pavodle słoŭ Łukašenki, nielha dapuścić straty ŭłasnych intaresaŭ.
«Asobnaje pytańnie — adnosiny z Zachadam, — adznačyŭ Alaksandr Łukašenka. — Tak, jość stanoŭčyja momanty jak u palityčnaj, tak i ŭ ekanamičnaj halinie. Davajcie budziem pradaŭžać rabotu ŭ hetym napramku. Ale ni ŭ jakim razie nielha dapuścić nacisku na nas. Ni z Zachadu, ni z Uschodu nacisk nieprymalny, asabliva z majučymi adbycca vybarami». Biełaruś pravodzić šmatviektarnuju źniešniuju palityku, padkreśliŭ jon.
Zakranajučy adnosiny z Rasijaj, jon skazaŭ: «Nam siońnia hetu krainu nichto ŭ śviecie nie zamienić. Biełaruś nie budzie dziejničać na škodu brackaj Rasii».
Havoračy ab supracoŭnictvie z Zachadam, Łukašenka adznačyŭ: «My miažujem z Zachadam i nie chočam nijakich sutyknieńniaŭ — ni palityčnych, ni dypłamatyčnych. Pałavina našaha handlu tam. Kali Zachad praciahnie nam ruku supracoŭnictva, to treba hetym skarystacca. My budziem imknucca da narmalizacyi adnosin z Zachadam. Kali jany chočuć z nami na roŭnych supracoŭničać i dajuć sihnały da hetaha, my prymiem hety sihnał. My zaŭsiody havaryli ab hetym — davajcie sadzicca za stoł pierahavoraŭ i dahavorvacca».
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary