Hrupa kubinskich palityčnych aktyvistaŭ była aryštavanaja ŭ Havanie pry sprobie pravieści akcyju pratestu la haradskoj turmy.
Aryštavanyja pratestavali suprać zatrymańnia ŭ apošnija dni vialikaj kolkaści kubinskich dysidentaŭ. Jak paviedamlajuć z kubinskaj stalicy, pačynajučy z aŭtorka, na Kubie byli aryštavanyja dziasiatki apanientaŭ režymu.
Metaj masavaha pratestu, jaki tak i nie adbyŭsia, pa słovach kubinskich dysidentaŭ, było pravieryć, nakolki hatovyja ŭłady ŭ Havanie da adkrytych palityčnych akcyj.
Kubinskija ŭłady nazvali padrychtoŭku akcyi palityčnaj pravakacyjaj.
Samaja viadomaja na Kubie apazicyjnaja žurnalistka i błohier, zasnavalnica apazicyjnaha kubinskaha veb-sajta Catorce y Medio, Joani Maryja Sančas trapiła pad chatni aryšt.
Siarod aryštavanych jaje muž Rejnałda Eskabar, mastačka i pierformar Tania Bruhiera, viadomy kubinski dysident Eliesier Aviła.
Rejnałda Eskabar, redaktar hetaha sajta, byŭ adpuščany praź niekalki hadzin paśla zatrymańnia.
Usie hetyja aryšty nie byli paćvierdžanyja kubinskimi ŭładami, i paviedamleńni pra ich nie źjavilisia ŭ aficyjnaj kubinskaj presie.
Aryšty pačalisia praz dva tydni paśla taho, jak Kuba i ZŠA zajavili pra hatoŭnaść adnavić dypłamatyčnyja adnosiny i ekanamičnaje supracoŭnictva.
Dziarždepartament ZŠA vykazaŭ zakłapočanaść u suviazi z aryštami i zajaviŭ ab nieabchodnaści «praciahvać akazvać cisk na kubinski ŭrad z tym, kab jon vykonvaŭ svaje mižnarodnyja abaviazacielstvy».
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami10
Kamientary