Nvidia pradstaviła mabilny pracesar z aŭtapiłotam dla aŭto
Kampanija Nvidia prezientavała na vystavie CES 2015 mahutny mabilny čyp Tegra X1, pryznačany nie tolki i nie stolki dla smartfonaŭ dy płanšetaŭ, a i dla aŭtamabilaŭ, raspaviadaje Gizmodo.
Na prezientacyi śćviardžajecca, što novy čyp (sistema-na-kryštali) pamieram z paznohać nie tolki ŭ dva razy macniejšy za papiarednija mabilnyja napracoŭki kampanii, ale i moža paspaborničać z sučasnymi nastolnymi vyrašeńniami.
Tegra X1 vykanany pa 20 nm techpracesie, maje 64-bitny 8-jadzierny vyličalny pracesar i 256-jadzierny hrafičny pracesar. Vyličalnyja mahutnaści dasiahajuć 1 terafłops (mahutnaści supierkampjutaraŭ 2000 hoda). Čyp moža apracoŭvać videa razroźnieńnia 4K z častatoj 60 kadraŭ na siekundu.
Pa śćvierdžańniach kampanii, architektura Maxwell čypu Tegra X1 pryniasie na mabilnyja pryłady hrafiku ŭzroŭniu nastolnych kampjutaraŭ i kansolaŭ apošniaha pakaleńnia.
Naprykład, takuju karcinku.
Miarkujučy pa prezientacyi, čyp naceleny najpierš na aŭtaindustryju. Jon moža stać asnovaj bartavych kampjutaraŭ, što zmohuć vieści mašynu biez udziełu čałavieka. Dla takoha spatrebicca ŭsiaho dva čypy Tegra X1.
Aŭtapiłot zdolny raspaznavać inšyja mašyny, piešachodaŭ i ravarystaŭ, darožnyja znaki i śvietłafory, jak toje zaraz robić bieśpiłotnaje aŭto Google. A taksama parkavacca ŭ naležnym miescy.
***
Kampanija Nvidia viadomaja jak adzin z dvuch najbujniejšych vytvorcaŭ hrafičnych sistem dla nastolnych kampjutaraŭ. Mabiłnyja čypy Tegra 2 mieli vysokuju papularnaść u vytvorcaŭ mabilnych hadžetaŭ. Nastupnaje pakaleńnie, Tegra 3, prajhravała kankurencyju čypam kampanij Qualcomm i Mediatek (mierkavana, praz vysokija ceny, prablemy ź pierahrevam i časam aŭtanomnaj raboty). Ale Tegra 3 užo vykarystoŭvałasia ŭ infarmacyjna-zabaŭlalnych kampjutarach Audi. Tegra 4 praktyčna nie vykarystoŭvałasia ŭ mabilnych hadžetach, ale trapiła na bort aŭto Tesla Model S.
-
Falsifikacyi ŭ daśledavańniach chvaroby Alchiejmiera. Jak vyniki pryviali nie tudy
-
Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
-
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
Ciapier čytajuć
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam22
Kamientary