Jaraš raskryŭ tajemnyja pieramovy pra pastaŭki zbroi dla «Pravaha siektara»
Lidar ukrainskaj nacyjanalistyčnaj arhanizacyi «Pravy siektar» Dźmitryj Jaraš apublikavaŭ na svajoj staroncy humarystyčny rolik, na jakoj adzin z kambataŭ damaŭlajecca pra pastaŭki fantastyčnaj zbroi z Dartam Viejdaram.
«Pryjechaŭ ź pieradavoj na bazu. Patelefanavali SBUšniki, skazali, što pierachapili kampramat na adnaho z našych kambataŭ. Uličvajučy demakratyčnuju adkrytać «Pravaha siektara», ja vyrašyŭ apublikavać sakretnyja materyjały», — napisaŭ Jaraš.
Aficyjny status uzbrojenych farmavańniaŭ «Pravaha siektara» dahetul zastajecca nieŭrehulavanym. U suviazi z hetym arhanizacyja časam traplaje pad pryceł krytyki z pryčyny taho, što zbroja dobraachvotnikaŭ PS, jakija viaduć bajavyja dziejańni suprać rasijskich bajevikoŭ, albo aficyjna nie isnuje, bo źjaŭlajecca trafiejnaj, ci pieradajecca vajskoŭcami «pa siabroŭsku».
U Łahojsku piekar admaŭlajecca pradavać svoj chleb pakupnikam, u jakich jość sabaki82
Kamientary