Čarhovy terakt va ŭkrainskim Charkavie. Nadzvyčajnaje zdareńnie adbyłosia kala 18.30 kala budynka Maskoŭskaha rajsuda Charkava.
Siońnia tam sudzili aktyvista Michaiła Sakałova, jakoha padčas parłamienckich vybaraŭ siłaviki zatrymali za niezakonnaje zachoŭvańnie i našeńnie zbroi na adnym z vybarčych učastkaŭ.
Kali pasiadžeńnie skončyłasia, i ludzi vychodzili z budynka suda, kala płota prahučaŭ mahutny vybuch. U prakuratury vobłaści aficyjna paviedamili pra 12 paciarpiełych. Pavodle infarmacyi krynicy kp.ua ŭ pravaachoŭnych orhanach, čaćviora čałaviek ciažka paranieny, ich užo dastavili ŭ balnicu.
«Vybuch zdaryŭsia kala płota, mietrach u 15 ad budynka suda i pryznačaŭsia jon vidavočna dla aktyvistaŭ «Pravaha siektara».
Siarod ich bolš za ŭsio paciarpiełych, jany ŭ toj momant znachodzilisia kala budynka suda. Hetak ža paciarpieła dziaŭčyna, jana ŭ ciažkim stanie», — napisali na staroncy IT-Sector ŭ sacsietkach.
«Paśla zakančeńnia suda, chłopcy z hrupy padtrymki Sakałova, vyjšli z budynka suda i adrazu prahučaŭ vybuch. Pakul rana rabić jakija-niebudź vysnovy - heta terarystyčny akt abo niechta z tavaryšaŭ abvinavačanaha pryjšoŭ na sud z hranataj», — napisaŭ u svaim Fejsbuku daradca ministra MUS Anton Hieraščanka.
Pavodle jaho słoŭ, Sakałoŭ abvinavačvaŭsia ŭ tym, što 26 kastryčnika ŭ dzień vybaraŭ va Ukrainie, pryjšoŭ na vybarčy ŭčastak sa zbrojaj. Na sudzie była jaho hrupa padtrymki z praŭkrainskich aktyvistaŭ.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary