Apple vypuścić hihancki iPad sa styłusam: čutki z nadziejnaj krynicy
U druhim kvartale 2015 hoda Apple vypuścić novuju madel płanšeta iPad z ekranam rekordna vialikaj dyjahanali ŭ 12,9 calaŭ, paviedamlaje analityk KGI Securities.
Analityk Minh-Čy Kuo viadomy suviaziami ź blizkim da Apple krynicami i časta robić biespamyłkovyja prahnozy. Na hety raz jon śćviardžaje: płanšet-hihant iPad Pro vyjdzie ŭ hetym hodzie, niekatoryja charaktarystyki možna nazvać užo siońnia.
Abapirajučysia na infarmacyju z patentaŭ i ŭłasnych krynic, Kuo śćviardžaje, što novy iPad budzie mieć dyjahanal ekranu ŭ 12,9 calaŭ (suprać 9,7 calaŭ kłasičnaha iPad), mahutny pracesar A8X, dadatkovy mikrafon, stereadynamiki, a taksama mahčymaść zapusku adnačasova dźviuch prahram na ekranie.
Hałoŭnaj «fiškaj» hihanta stanie apcyjanalny styłus, jaki budzie pradavacca asobna, a ŭ vypadku papularnaści jaho mohuć uklučyć u kamplekt.
Takim čynam, Apple moža admovicca ad mantry eks-kiraŭnika Styva Džobsa pra toje, što «lepšy styłus — heta čałaviečy palec», jak niadaŭna admoviłasia ad pierakanańniaŭ u aptymalnaj dyjahanali dyspłeja smartfona.
Budzie vypuščana dźvie viersii piara: spačatku zvyčajnaja, jakaja dazvolić malavać pa pavierchni ekrana, a ŭ 2016 hodzie ci paźniej – prasunutaja, jakaja zmoža malavać na lubych pavierchniach i navat u 3D-prastory z dapamohaj aksieleromietra i hiraskopa. Styłus pryjdziecca padzaradžać praz port Lightning, biespravadnaja zaradka zanadta ŭskładniła by kanstrukcyju.
Usio heta zrobić iPad padobnym da liniejki smartfonaŭ i płanšetaŭ Samsung Galaxy Note, u pryvatnaści Samsung Galaxy Note Pro. Apošni maje ekran u 12,2 calaŭ, kamplektny styłus, stereadynamiki i mahčymaść adnačasovaha zapusku niekalkich prahram na ekranie.
-
Falsifikacyi ŭ daśledavańniach chvaroby Alchiejmiera. Jak vyniki pryviali nie tudy
-
Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
-
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
Ciapier čytajuć
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam22
Kamientary