«Zusim nie toje, što ja pisaŭ pieršapačatkova»: Džordž Łukas pra novyja «Zornyja vojny»
U intervju Cinemablend stvaralnik «Zornych vojnaŭ» raspavioŭ pra razychodžańni sa studyjaj Disney.
«Ja pradaŭ Disney nie tolki pravy na «Zornyja Vojny», ale i šerah maich idej i napracovak pa zdymkach nastupnych epizodaŭ, — raspavioŭ Łukas. — Ale, akazałasia, jany nie zachacieli ich vykarystoŭvać i vyznačyli budučyniu suśvietu samastojna. Toje, što vy ŭbačycie ŭ siomym epizodzie — zusim nie toje, što ja pisaŭ dla jaho pieršapačatkova».
Što dziŭna, raniej słavuty režysior śćviardžaŭ, što nie płanavaŭ praciahaŭ dźviuch tryłohij. Jon ličyŭ historyju zavieršanaj, bo «Zornyja vojny» — historyja asabistaj trahiedyi Anakina Skajuokiera, jaki staŭ Dartam Vejderam.
«Kali Vejder pamior, to jon užo nie ŭvaskreśnie, Impieratara nie kłanujuć, a Luk ni z kim nie aženicca», — kazaŭ jon raniej pra niepryniaćcie ŭ «kanon» komiksaŭ pa matyvach «Zornych vojn».
Tym nie mieniej, u intervju 1983 hoda Mark Chemił, vykanaŭca roli Luka Skajuokiera ŭ epizodach IV-VI, śćviardžaje, što abmiarkoŭvaŭ z Łukasam płany na praciah epapiei.
«Adnojčy jon skazaŭ mnie, što ja moh by zhulać Luka znoŭ, ale ŭ ampłua duchoŭnaha nastaŭnika typu Obi-Vana Kanobi, jaki pieradaje estafietu novamu pakaleńniu džedajaŭ. Ja ŭdakładniŭ, kali ž my ŭžo zmožam pačać zdymki, a jon skazaŭ, što heta zdarycca nie raniej 2011 hoda», — kazaŭ Chemił i pamyliŭsia tolki na 3 hady, zdymki praciahu ź im u hetkaj roli startavali ŭ 2014 hodzie.
Sam Łukas kaža, što jaho nie vielmi cikavić rabota nad novym filmam: «Voj, možacie nie pytać ŭ mianie pra trejler. Ja jaho jašče nie hladzieŭ. Mnie padabajecca hladzieć filmy całkam u kinateatry, a nie razhladać karotkija trejlery. Kali kino vyjdzie ŭ prakat — tady i pahladžu».
Čytajcie taksama: 25 faktaŭ pra novyja «Zornyja vojny»
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj34
Kamientary