«Atrymaŭ ranieńnie. Na vajnie heta byvaje», — pieradaŭ «Vieśnik Pravaho siektara» ŭ fejsbuku paviedamleńnie ad Dźmitra Jaraša, kiraŭnika arhanizacyi, jaki asabista ŭdzielničaŭ u bajach pad Danieckim aeraportam.
Jaraš napisaŭ praz Viber, što jahonaja pravaja ruka pakul što nie pracuje, adnak jość nadzieja, što ŭsio budzie dobra. A taksama prysłaŭ svajo fota ŭ špitali.
Da jaho pryjechali dočki dy inšyja svajaki.
Jon padziakavaŭ vajskovym i cyvilnym miedykam, jakija dapamahajuć jamu i inšym paranienym.
«A z takimi aniołkami, jak na fota, praces zahojvańnia ran značna chutčejšy. Jašče pavajuju… Pieramoha budzie za nami!» — piša Jaraš.
Raniej u Internet vykłali videa, jak paranienaha, nakrytaha koŭdraj Dźmitryja Jaraša na nasiłkach vynosiać ź Sialidaŭskaj haradskoj kliničnaj balnicy ŭ Danieckaj vobłaści.
Nahadajem, Dźmitryju Jarašu na Danbasie pierabiła ruku, adzin askołak začapiŭ hałavu.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary