Halivudskija akciory Džoni Dep i Embier Chiord ŭ aŭtorak, 3 lutaha, aficyjna zarehistravali svoj šlub. Cyrymonija prajšła ŭ domie znakamitaściaŭ u Łos-Andželesie, paviedamlaje časopis People sa spasyłkaj na ŭłasnyja krynicy.
7-8 lutaha na asabistym vostravie Depa na Bahamach projdzie jašče adna cyrymonija, na jakuju zaprošany 50 siabroŭ i svajakoŭ pary. Na mierapryjemstvie buduć prysutničać dzieci Depa ad pieršaha šlubu. Niaviesta nadzienie sukienku ad dyzajniera Steły Makartni. Častku haściej žanich raźmieścić na svajoj jachcie Vajoliroja.
51-hadovy Dep i 28-hadovaja Chiord byli zaručanyja kala hoda. Jany paznajomilisia na zdymkach filma «Romavy dziońnik» ŭ 2010 hodzie.
Da hetaha Embier Chiord pryznavałasia, što jana bisieksuałka, i čatyry hady była ŭ adnosinach z havajskaj mastačkaj i fatohrafam Tasiaj van Ry.
Z papiaredniaj kachanaj, Vanesaj Paradzi, Džoni Dep razyšoŭsia ŭ červieni 2012 hoda paśla 14 hadoŭ sumiesnaha žyćcia. Tady paviedamlałasia, što Dep syšoŭ ad Paradzi da Embier Chiord, paśla infarmacyja paćvierdziłasia. Džoni i Embier žyvuć razam užo kala dvuch hadoŭ. Vanesa Paradzi i Džoni Dep nie byli aficyjna žanatyja i nieadnarazova kazali pra toje, što nie śpiašajucca afarmlać svaje adnosiny. Za čas ich ramana ŭ akcioraŭ naradzilisia dvoje dziaciej, dačka Lili-Roŭz i syn Džek. Vanesa stała pieršaj, kamu Džoni paviedamiŭ pra budučaje viasielle.
Kamientary