Usieahulnaje tałonnaje abśledavańnie pasažyrapatoku ŭ mietro praviaduć zaŭtra ŭ Minsku
11 sakavika ŭ mietro praviaduć tałonnaje abśledavańnie pasažyrapatoku, paviedamiŭ siońnia na pres-kanfierencyi ŭ Minharvykankamie načalnik KUP «Minski mietrapaliten» Raścisłaŭ Jurenia.
Abśledavańnie budzie pravodzicca z momantu adkryćcia i da zakryćcia mietro.
Na ŭvachodzie kožnamu pasažyru buduć vydavać śpiecyjalny tałon. Na im budzie ŭkazany numar stancyi, dzie čałaviek uvajšoŭ u mietro. Na vychadzie tałončyk treba addać rabotniku mietrapalitena.
Kali tałon zhubleny, u pasažyra ŭdakładniać, na jakoj stancyi jon spuściŭsia ŭ padziemku.
U hadziny pik (8.00 i 18.00) pakiety z tałončykami buduć zdavacca kožnyja 15 chvilin, u astatni čas — praz paŭhadziny.
Usiaho padrychtavana 1,2 młn tałonaŭ. U abśledavańni zadziejničajuć 1.629 rabotnikaŭ mietrapalitena.
Jak adznačyŭ načalnik słužby ruchu KUP «Minski mietrapaliten» Andrej Michajłoŭski, na hrafik ruchu ciahnikoŭ hetaja akcyja nie paŭpłyvaje.
Vyniki abśledavańnia stanuć viadomyja praź miesiac. Sabranyja dadzienyja dazvolać transpartnikam daviedacca, jakaja zahruzka pierasadkavych stancyj «Kastryčnickaja» i «Kupałaŭskaja», dalokaść pajezdak pasažyraŭ u mietro i inš.
«Da taho ž hetaja infarmacyja daść mahčymaść skarektavać pracu i naziemnaha transpartu», — dadaŭ dyrektar DU «Staličny transpart i suviaź» Valer Škurataŭ.
— Heta dazvolić nam detalova prapracavać maršrutnuju sistemu horada i ŭ nastupnym hodzie atrymać palepšanuju schiemu transpartnaha ruchu ŭ Minsku.
***
U apošni raz vyvučeńnie pasažyrapatoku ŭ mietro pravodziłasia ŭ 2002 hodzie. U vyniku byli pierahledžany intervały ruchu ciahnikoŭ u hadzinu pik z 3,5 chviliny da 2,5.
Kamientary