Najnoŭšaja rasijskaja samachodka, jakaja «nie maje anałahaŭ», zastałasia biez stvała FOTA
Rasijskaja samachodnaja artyleryjskaja ŭstanoŭka 2S35 Koalicija-SV patrapiła ŭ abjektyvy naziralnikaŭ u Jekaciarynburhu, śviedčać fota, raźmieščanyja ŭ supołcy vk.com/tankspub 4 sakavika.
Naziralniki adroźnili 2S35 Koalicija-SV ad padobnaj da jaje SAU Msta-S pa inšym šasi i bolš doŭhim stvale ź inšym pałažeńniem ežektara.
Mašyna, jakaja spačatku rekłamavałasia jak adzinaja ŭ śviecie samachodka z adrazu dvuma stvałami kalibru 152mm, što musiła zabiaśpiečvać vielmi vysoki temp stralby, zastałasia tolki z adnym stvałom.
Taksama płanavałasia, što SAU budzie vykarystoŭvać šasi ad novaha rasijskaha tanka T-14 Armata, adnak mašyny na zdymkach majuć chadavuju ad tanka T-90.Rasijskija vajskoŭcy i raspracoŭščyki zajaŭlali, što Koalicija-SV budzie mieć režym ahnia Multiple Rounds Simultaneous Impact — Adnačasovaha ŭdaru šmatlikimi snaradami, jaki staŭ amal standartnym dla sučasnych samachodnych artyleryjskich sistem. Zakanadaŭcam mody tut stali karejskaja SAU K9 i niamieckaja Panzerhaubitze 2000, jakija pajšli ŭ sieryju ŭ kancy 1990-ch.
Raniej u rasijskaj armii taki režym ahniu, zhodna z paviedamleńniami presy, atrymlivali z 2013 hoda paśla madernizacyi tolki 152mm samachodnyja haŭbicy Msta-S 2S19M2.
Pieršyja ekziemplary jak 2S35, hetak i T-14, jaki taksama jašče nie prajšoŭ vajskovych vyprabavańniaŭ, płanujuć pakazać na paradzie 9 maja ŭ Maskvie.
Vierahodna, pad Maskvu i jeduć SAU, jakija na zdymkach stajać na čyhunačnych płatformach. Hod tamu paviedamlałasia, što Uralski zavod transpartnaha mašynabudavańnia, jaki ŭvachodzić u skład rasijskaj dziaržaŭnaj karparacyi Urałvahonzavod, zrobić za 2013-2014 hady 12 SAU Koalicija-SV, jakija prymuć udzieł u paradzie ŭ Maskvie 9 maja, piša rasijski vajenny błohier bmpd.livejournal.com.
Padrabiazna charaktarystyki 2S35 nie paviedamlalisia.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?2
Kamientary